ଗେଲ୍ ୧୦ ବଲରୁ ୫୦ ମାରିବା ଉଚିତ୍: ଯୁବରାଜ ସିଂହ

ନୂଆଦିଲ୍ଲୀ: ବିଗବାସ ଲିଗ୍ ଟି-ଟ୍ୱେଣ୍ଟିରେ ୱେଷ୍ଟଇଣ୍ଡିଜର ବିସ୍ଫୋରକ ବ୍ୟାଟ୍ସମ୍ୟାନ କ୍ରିସ ଗେଲ ଦ୍ରୁତତମ ଅର୍ଦ୍ଧଶତକ (୧୨ ବଲରୁ ୫୦) ସଂଗ୍ରହ କରି ଯୁବରାଜଙ୍କ ରେକର୍ଡ ସହ ସମକକ୍ଷ ହୋଇଛନ୍ତି। ହେଲେ ଏହାକୁ ନେଇ ଭାରତର ଏହି ବିସ୍ଫୋରକ ବ୍ୟାଟ୍ସମ୍ୟାନ ଟ୍ୱିଟରରେ ଅସନ୍ତୋଷ ପ୍ରକାଶ କରିଛନ୍ତି। ସେ ଟ୍ୱିଟରରେ ଉଲ୍ଲେଖ କରିଛନ୍ତି, ଏଥର ନ ହେଲା ନାହିଁ ଆସନ୍ତା ଦିନରେ କାକା (କ୍ରିସ ଗେଲ) ୧୦ ବଲରୁ ୫୦ ମାରିବା ଉଚିତ। ସେହିପରି ଏବି ଡିଭିଲର ମଧ୍ୟ ୧୦ ବଲରୁ ୫୦ ମାରିବାର କ୍ଷମତା ରଖନ୍ତି ବୋଲି ସେ କହିଛନ୍ତି।

ସୂଚନାଯୋଗ୍ୟ, ବିଗବାସ ଲିଗରେ ଗେଲ ୧୭ଟି ବଲରୁ ୭ଟି ଛକା ଓ ୨ଟି ଚୌକା ସହାୟତାରେ ୫୭ ରନ ସଂଗ୍ରହ କରିଥିଲେ।