କାହା ସହ କଥା ହେଉନାହାନ୍ତି, ଘରେ ବସୁଛନ୍ତି ପାଣ୍ଡ୍ୟା

ନୂଆଦିଲ୍ଲୀ: ଟିଭି କାର୍ଯ୍ୟକ୍ରମ ‘କଫି ୱିଥ୍‌ କରନ୍‌’ରେ ମହିଳାଙ୍କ ପ୍ରତି ଅରୁଚିକର ମନ୍ତବ୍ୟ ଦେଇ ନିଲମ୍ବିତ ହୋଇଥିବା ଟିମ୍‌ ଇଣ୍ଡିଆର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଓ ବ୍ୟାଟସ୍‌ମ୍ୟାନ୍‌ କେଏଲ୍‌ ରାହୁଲଙ୍କୁ ଚାରିଆଡ଼ୁ ବିରୋଧ ଜାରି ରହିଛି। ବିସିସିଆଇ ଘଟଣାର ତଦନ୍ତ ଆରମ୍ଭ କରିଥିବା ବେଳେ ଉଭୟଙ୍କୁ ଅଷ୍ଟ୍ରେଲିଆ ଗସ୍ତର ଅଧାରୁ ସ୍ୱଦେଶ ଫେରାଇ ଅଣାଯାଇଛି।

ତେବେ ଅଷ୍ଟ୍ରେଲିଆରୁ ଫେରିବା ପରେ ପାଣ୍ଡ୍ୟା ସଂପୂର୍ଣ୍ଣ ରୂପେ ବଦଳି ଯାଇଛନ୍ତି। ସେ ଆଦୌ କାହା ସହ କଥା ହେଉନାହାନ୍ତି କି କାହା ଫୋନ ମଧ୍ୟ ଉଠାଉ ନାହାନ୍ତି। ଏପରି କି ଘର ବାହାରକୁ ପାଦ କାଢ଼ୁ ନାହାନ୍ତି। ସବୁବେଳେ ଘର ମଧ୍ୟରେ ନିଜକୁ ବନ୍ଦ କରି ଭୁଲ ପାଇଁ ଅନୁତାପ କରୁଛନ୍ତି ବୋଲି ତାଙ୍କ ବାପା କହିଛନ୍ତି।

ପାଣ୍ଡ୍ୟାଙ୍କ ବାପା ହିମାଂଶୁ କହିଛନ୍ତି, “ଅଷ୍ଟ୍ରେଲିଆରୁ ଫେରିବା ପରେ ସେ(ହାର୍ଦ୍ଦିକ) ଘରୁ ବାହାରକୁ ପାଦ କାଢ଼ିନାହିଁ। ଏପରି କି ମକର ସଂକ୍ରାନ୍ତି ମଧ୍ୟ ପାଳନ କରିନାହିଁ। ସେ ଭାରତ ଓ ଅଷ୍ଟ୍ରେଲିଆ ଦ୍ୱିତୀୟ ଦିନିକିଆ ମ୍ୟାଚ୍‌ ଟିଭିରେ ଦେଖିଲା। ସେ ଘର ମଧ୍ୟରେ ଥିଲେ ମଧ୍ୟ କାହା ସହ କଥା ହେଉନାହିଁ କି କେହି ଫୋନ କଲେ, ତା’କୁ ମଧ୍ୟ ଉଠାଉ ନାହିଁ। ସେ କେବଳ ଏବେ ବିଶ୍ରାମ ନେଉଛି। ଗୁଜରାଟରେ ମକର ସଂକ୍ରାନ୍ତ ଧୂମଧାମରେ ପାଳନ ହୁଏ।

ହେଲେ ହାର୍ଦ୍ଦିକ ଏହି ଉତ୍ସବରେ ଭାଗ ନେଇନାହିଁ କି ଗୁଡ଼ି ମଧ୍ୟ ଉଡ଼ାଇ ନାହିଁ। ସେ ଗୁଡ଼ି ଉଡ଼ାଇବାକୁ ବହୁତ ଭଲ ପାଏ। କିନ୍ତୁ କ୍ରିକେଟ ପାଇଁ କିଛି ବର୍ଷ ହେଲା ଗୁଡ଼ି ଉଡ଼ାଇବାକୁ ସମୟ ପାଇନଥିଲା। ଏଥର ଘରେ ଥିଲେ ମଧ୍ୟ ସେ ଗୁଡ଼ି ଉଡ଼ାଇ ନାହିଁ। ତା’ ମନ ଭଲ ନଥିବାରୁ ସେ କୌଣସି ପ୍ରକାରର ଉତ୍ସବ ମନାଇ ନାହିଁ। ସେ ଟିଭି ଶୋ’ରେ ଯେଉଁଭଳି କଥା କହିଥିଲା, ସେଥିପାଇଁ ସେ ଅନୁତପ୍ତ। ସେ ଏଭଳି ଭୁଲ କରିବ ନାହିଁ ବୋଲି ପ୍ରତିଜ୍ଞା କରିଛି।”

ତେବେ କେଏଲ୍ ରାହୁଲଙ୍କ ସମ୍ପର୍କରେ କୌଣସି ସୂଚନା ମିଳିନାହିଁ।

ଆହୁରି ପଢ଼ନ୍ତୁ

ଯୌନ ଆଭିମୁଖ୍ୟକୁ ନେଇ ଫସିବା ପରେ ସ୍ପଷ୍ଟୀକରଣ ଦେଲା ଏୟାରଟେଲ୍

ତିନି ଦିନ ପ୍ରବଳ ବର୍ଷା, ୫ ଜିଲ୍ଲାକୁ ୟେଲୋ ୱାର୍ଣ୍ଣିଂ

ଫେବୃଆରୀ ସୁଦ୍ଧା ଅଧା ଭାରତୀୟ କରୋନାରେ ଆକ୍ରାନ୍ତ ହୋଇପାରନ୍ତି: ସରକାରୀ ପ୍ୟାନେଲ

ମଉଳି ଗଲା ଲ’ ଛାତ୍ରୀଙ୍କ ଲଭଷ୍ଟୋରୀ, ମାରିଦେଲା ପ୍ରେମିକ

୨୪ ଘଣ୍ଟାରେ ସୁସ୍ଥ ହେଲେ ୨୭୩୮ କରୋନା ଆକ୍ରାନ୍ତ

ଗଞ୍ଜେଇ ଖାଇଲେ ଫୁସଫୁସର କ୍ଷତି କରିପାରିବ ନାହିଁ କରୋନା!

ଲଦାଖରୁ ଧରାପଡ଼ିଲେ ଚାଇନା ଯବାନ, ପ୍ରତିରକ୍ଷା ଦସ୍ତାବିଜ୍ ମିଳିଲା

ଏସିଆରେ କାହାର ଶକ୍ତି କେତେ, ଜାଣନ୍ତୁ କେଉଁ ଦେଶ କେତେ ନମ୍ବରରେ ଅଛନ୍ତି

ଦଶାହରେ ଯୋଗ ଦେବାକୁ ଯାଉଥିଲେ, ଓଲଟିଗଲା ଅଟୋ

ଲକଡାଉନ୍ ପରେ ବଢ଼ିଛି ମେରୁଦଣ୍ଡ ଜନିତ ସମସ୍ୟା

ମହଙ୍ଗା ପଡ଼ିଲା ଜନ୍ମଦିନ ଆୟୋଜନ; ସିଲ୍‌ ହେଲା ବାର୍‌

ସୀମା ବିବାଦକୁ ନେଇ ଦୁଇ ରାଜ୍ୟ ମଧ୍ୟରେ ହିଂସା, ପିଏମଓକୁ ଜଣାଇଲେ ସର୍ବାନନ୍ଦ