ହାଇଦ୍ରାବାଦ୍: ଆଇସିଲ ଅଫ୍ ମ୍ୟାନ ଅନ୍ତର୍ଜାତୀୟ ଚେସ୍ ଟୁର୍ଣ୍ଣାମେଣ୍ଟରେ ପ୍ରଭାବଶାଳୀ ପ୍ରଦର୍ଶନ ବଳରେ ଭାରତୀୟ ଚେସ୍ ତାରକା ହାରିକା ଡ୍ରୋନାଭାଲି ବିଶ୍ୱ ମାନ୍ୟତାର ୫ମ ସ୍ଥାନରେ ପହଞ୍ଚି ଯାଇଛନ୍ତି। ସେ ଚଳିତବର୍ଷ ଦ୍ୱିତୀୟ ଥର ପାଇଁ ଶ୍ରେଷ୍ଠ ୫ ଜଣଙ୍କ ମଧ୍ୟରେ ସାମିଲ ହୋଇଛନ୍ତି।
ଆଇସିଲ ଅଫ୍ ମ୍ୟାନରେ ସେ କେବଳ ୫.୫ ପଏଣ୍ଟରେ ଖେଳ ଶେଷ କରି ନ ଥିଲେ ବିଶ୍ୱ ମାନ୍ୟତାର ନମ୍ବର ୱାନ ହୋୟୁ ୟିଫାନଙ୍କୁ ମଧ୍ୟ ପରାସ୍ତ କରିଥିଲେ।
ଟୁର୍ଣ୍ଣାମେଣ୍ଟର ୯ଟି ମ୍ୟାଚ୍ରୁ ସେ ୪ଟିରେ ବିଜୟୀ ହୋଇଥିଲେ। ୩ଟି ମ୍ୟାଚ୍ ଡ୍ର’ ରଖିଥିବା ବେଳେ ମାତ୍ର ୨ଟିରେ ପରାସ୍ତ ହୋଇଥିଲେ।
ହାରିକା କହିଛନ୍ତି,“ଏହା ମୋ ଆତ୍ମବିଶ୍ୱାସକୁ ବହୁତ ବଢାଇଛି। ଏଥିପାଇଁ ମୁଁ କଠିନ ପରିଶ୍ରମ କରିଥିଲି। ଗତ ଜୁଲାଇରେ ମୁଁ ମୋ କ୍ୟାରିୟରରେ ପ୍ରଥମ ଥର ପାଇଁ ଶ୍ରେଷ୍ଠ ୫ ଜଣଙ୍କ ମଧ୍ୟରେ ସାମିଲ ହୋଇ ପାରିଥିଲି। ହେଲେ ଏହାପରେ ମୋ ମାନ୍ୟତାରେ ଅବନତି ଘଟିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।