ହକି ଇଣ୍ଡିଆ ଲିଗ୍: ୬-୪ରେ ମୁମ୍ବାଇକୁ ହରାଇଲା କଳିଙ୍ଗ ଲାନସର୍ସ

ମୁମ୍ବାଇ: ହକି ଇଣ୍ଡିଆ ଲିଗରେ କଳିଙ୍ଗ ଲାନସର୍ସ ରବିବାର ତୃତୀୟ ବିଜୟ ହାସଲ କରିଛି।  ଆଜି ମୁମ୍ବାଇରେ ଖେଳା ଯାଇଥିବା ପଞ୍ଚମ ରାଉଣ୍ଡ ଲିଗ୍ ମ୍ୟାଚରେ କଳିଙ୍ଗ ଲାନସର୍ସ, ଦବଙ୍ଗ ମୁମ୍ବାଇକୁ ୬-୪ରେ ପରାସ୍ତ କରିଛି।

ମ୍ୟାଚର ୨୦ ମିନିଟରେ ଗୁରଜିନ୍ଦର ସିଂହ ଓ ୨୮ ତମ ମିନିଟରେ ଆଦମ୍ ଡିକ୍ସନ ପେନାଲ୍ଟି କର୍ଣ୍ଣରକୁ ଗୋଲରେ ରୂପାନ୍ତରିତ କରି ପ୍ରଥମାର୍ଦ୍ଧ ସୁଦ୍ଧା ଦଳକୁ ୨-୦ରେ ଆଗୁଆ ରଖିଥିଲେ। ଦ୍ୱିତୀୟାର୍ଦ୍ଧରେ ଲଳିତ ଉପାଧ୍ୟାୟ ଏକ ପିଲ୍ଡ ଗୋଲ ସ୍କୋର କରି ଦଳକୁ ୪-୦ରେ ଆଗୁଆ କରିଥିଲେ। ଏହାପରେ ଦବଙ୍ଗ ମୁମ୍ବାଇ ଦୁଇଟି ଫିଲ୍ଡ ଗୋଲ କରି ମ୍ୟାଚକୁ ସମାନ ସ୍ଥିତିକୁ ଆଣିଥିଲା। ତେବେ ୫୫ତମ ମିନିଟରେ କଳିଙ୍ଗ ଲାନସର୍ସର କ୍ୟାସପର ଫିଲ୍ଡ ଗୋଲ ଦଳକୁ ୬-୪ରେ ବଜୟୀ କରିଥିଲେ।

ଏହି ବିଜୟ ସହ କଳିଙ୍ଗ ଲାନସର୍ସ ୫ ପଏଣ୍ଟ ହାସଲ କରିଛି। ଦଳ ୫ଟି ମ୍ୟାଚରୁ ୩ଟି ବିଜୟ ସହ ୧୭ ପଏଣ୍ଟ ପାଇ ଟେବୁଲର ଦ୍ୱିତୀୟ ସ୍ଥାନକୁ ଉନ୍ନିତ ହୋଇଛି।