ହକି ଇଣ୍ଡିଆ ଲିଗ୍-୪: ଆଜି ଉଦଘାଟନୀ ମ୍ୟାଚରେ କଳିଙ୍ଗ ଲାନସର୍ସକୁ ଭେଟିବ ୟୁପି ୱିଜାର୍ଡସ

bbsrଭୁବନେଶ୍ୱର: ହକି ଇଣ୍ଡିଆ ଲିଗର ଫୋର୍ଥ ଏଡିସନ୍ ଆଜିଠୁ ଆରମ୍ଭ ହେବ। ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ହେବ ଉଦଘାଟନୀ ମ୍ୟାଚ୍। ସନ୍ଧ୍ୟାରେ ସାମ୍ନାସାମ୍ନି ହେବେ କଳିଙ୍ଗ ଲାନସର୍ସ ଓ ୟୁପି ୱିଜାଡର୍ସ। ଉଭୟ ଟିମ୍ ମ୍ୟାଚ୍ ପୂର୍ବରୁ ଜୋରଦାର ପ୍ରସ୍ତୁତି କରିଛନ୍ତି। ହୋମ୍ ଟିମ୍ କଳିଙ୍ଗ ଲାନସର୍ସ, ଏହି ସିଜିନରେ କୋଚ୍ ମାର୍କ ହାଗରଙ୍କ ନୂଆ ଷ୍ଟ୍ରାଟେଜି ସହ ପଡ଼ିଆକୁ ଓହ୍ଲାଇବ।

ଆଟାକିଂ ହକି ଏବଂ ଫିଲଡ୍ ଗୋଲ୍ ଉପରେ ରହିବ ଫୋକସ୍। ବିଦେଶୀ ଖେଳାଳି ଟର୍ଣ୍ଣର୍, ଜଲସ୍କି, କ୍ୟାପଟେନ୍ ମୋରିଜ୍ ଫୁରେଷ୍ଟି ଓ ଭାରତୀୟ ଖେଳାଳିଙ୍କ ମଧ୍ୟରୁ ଧରମବୀର୍, ଗୁରୁଜିନ୍ଦର ଏବଂ ଲଳିତ ଉପାଧ୍ୟାୟ ଆଟାକ୍ କରିବେ। ଡିଫେନ୍ସରେ ରହିବେ ଓଡ଼ିଆ ଡିଫେଣ୍ଡର ଅମିତରୋହି ଦାସ, ଷ୍ଟାଲିନ ଭିକ୍ଟର ମିଂଜ, ଦୀପସାନ ତିର୍କି ଏବଂ ଆନନ୍ଦ ଲାକ୍ରା। ଗୋଲ୍ ପୋଷ୍ଟ ସମ୍ଭାଳିବେ ବିଶ୍ୱସ୍ତରୀୟ ଗୋଲକିପର୍ ଆଣ୍ଡ୍ରୁ ଚାର୍ଟର।