ଗାବ୍ରିଏଲ ଓ ହୋଲ୍ଡରଙ୍କ ଚମକ, ବ୍ୟାକଫୁଟ୍‌ରେ ଇଂଲଣ୍ଡ

ସାଉଥହାମ୍ପଟନ: କରୋନା ସଂକ୍ରମଣ ଯୋଗୁ ଦୀର୍ଘ ୪ ମାସରୁ ଅଧିକ ଦିନ ହେଲା ବନ୍ଦ ରହିଥିବା ଅନ୍ତର୍ଜାତୀୟ କ୍ରିକେଟ ଶେଷରେ ବୁଧବାର ଠାରୁ ଆରମ୍ଭ ହୋଇଛି। ଇଂଲଣ୍ଡ ଓ ୱେଷ୍ଟଇଣ୍ଡିଜ୍‌ ବିନା ଦର୍ଶକରେ ଆରମ୍ଭ ହୋଇଥିବା ପ୍ରଥମ ଟେଷ୍ଟରେ ମୁହାଁମୁହିଁ ହେଉଛନ୍ତି।

ବର୍ଷା ଯୋଗୁ ପ୍ରଥମ ଦିନର ଖେଳ ଖୁବକମ ସମୟ ହୋଇଥିବା ବେଳେ ଦ୍ୱିତୀୟ ଦିନରେ ୱେଷ୍ଟଇଣ୍ଡିଜ୍‌ ଉଭୟ ବୋଲିଂ ଓ ବ୍ୟାଟିଂରେ କମାଲ କରିଛି। ବିଶେଷ କରି ଅଧିନାୟକ ଜେସନ ହୋଲ୍ଡର ଓ ଦ୍ରୁତ ବୋଲର ଶାନନ ଗାବ୍ରିଏଲଙ୍କ ଭୟଙ୍କର ବୋଲିଂରେ ଘରୋଇ ଇଂଲଣ୍ଡ ବ୍ୟାକଫୁଟ୍‌ରେ ରହିଛି।

ହୋଲ୍ଡର ତାଙ୍କ କ୍ୟାରିୟରର ବେଷ୍ଟ ବୋଲିଂ କରି ୬ଟି ୱିକେଟ ନେଇଥିବା ବେଳେ ଗାବ୍ରିଏଲ ୪ଟି ୱିକେଟ ଦଖଲ କରିଛନ୍ତି। ଘାତକ ବୋଲିଂ ଯୋଗୁ ଇଂଲଣ୍ଡ ମାତ୍ର ୨୦୪ ରନ୍‌ କରି ଅଲଆଉଟ ହୋଇଛି। ଏହାର ଜବାବରେ ୱେଷ୍ଟଇଣ୍ଡିଜ୍‌ ଖରାପ ଆଲୁଅ ଯୋଗୁ ଦ୍ୱିତୀୟ ଦିନର ଖେଳା ଶେଷ ହେବା ବେଳକୁ ଗୋଟିଏ ୱିକେଟ ହରାଇ ୫୭ ରନ୍‌ କରିଛି। ଷ୍ଟମ୍ପ ଅପସାରଣ ବେଳକୁ କ୍ରେଗ ବ୍ରାଥୱେଟ ୨୦ ଓ ଶାଇ ହୋପ ୩ ରନ୍‌ କରି ଅପରାଜିତ ରହିଛନ୍ତି। ଜନ୍ କ୍ୟାମ୍ବେଲ ଏକମାତ୍ର ବ୍ୟାଟସମ୍ୟାନ ଭାବେ ୨୮ ନ୍‌ କରି ପ୍ୟାଭିଲିୟନ ଫେରିଛନ୍ତି।

ପ୍ରଥମ ଟେଷ୍ଟରେ ଜୋ ରୁଟଙ୍କ ଅନୁପସ୍ଥିତିରେ ବେନ ଷ୍ଟୋକ୍ସ ଇଂଲଣ୍ଡ ଦଳର କମାଣ ସମ୍ଭାଳିଛନ୍ତି। ମ୍ୟାଚରେ ଟସ୍ ଜିତି ଇଂଲଣ୍ଡ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା। ଡମ ସିବଲେୟ ଖାତା ଖୋଲିବା ପୂର୍ବରୁ ଗାବ୍ରିଏଲଙ୍କ ବଲରେ କ୍ଲିନବୋଲ୍ଡ ହୋଇଯାଇଥିଲେ। ଜୋ ଡେନଲି ଓ ଆର ବ୍ରୁନ୍ସ ସ୍ଥିତି ସମ୍ଭାଳିବାକୁ ଚେଷ୍ଟ କରିଥିଲେ।

ହେଲେ ଦଳୀୟ ସ୍କୋର ୪୮ ଥିବା ବେଳେ ଗାବ୍ରିଏଲ ୧୮ ରନ କରିଥିବା ଡେନଲି ଓ ପରେ ୩୦ ରନ୍‌ କରିଥିବା ବ୍ରୁନ୍ସଙ୍କୁ ପ୍ୟାଭିଲୟନ ପଠାଇ ଡବଲ ଝଟକା ଦେଇଥିଲେ। କାମଚଳା ଅଧିନାୟକ ଷ୍ଟୋକ୍ସ ଓ ବଟଲର କିଛି ସମୟ ପାଇଁ ଲଢ଼େଇ କରି ଦଳୀୟ ସ୍କୋରକୁ ୧୫୦ ପାର କରାଇଥିଲେ। ତେବେ ହୋଲ୍ଡର ଏହାପରେ ନିଜର ଜଲୱା ଦେଖାଇଥିଲେ।

ସେ ୪୩ ରନ୍‌ କରିଥିବା ଷ୍ଟୋକ୍ସ ଓ ୩୫ ରନ୍‌ କରିଥିବା ବଟଲରଙ୍କୁ ଆଉଟ କରି ଇଂଲଣ୍ଡକୁ ବ୍ୟାକଫୁଟକୁ ଠେଲି ଦେଇଥିଲେ। ଅନ୍ୟମାନଙ୍କ ମଧ୍ୟରେ ଓଲି ପୋପ ୧୨, ଜେଡ୍‌ କାରୱେଲ ୧୦, ଜୋଫ୍ରା ଆର୍ଚର ୦ ଓ ମାର୍କ ହୁଡ୍‌ ୫ ମଧ୍ୟ ହୋଲ୍ଡରଙ୍କ ଶିକାର ବନିଥିଲେ।

ଶେଷ ୱିକେଟ ପାଇଁ ଜେମ୍ସ ଆଣ୍ଡରନସନ(୧୦) ଓ ଡିମ ବେସ୍‌ତ ୩୧ ରନ୍‌ କରିବାରୁ ଦଳୀୟ ସ୍କୋର ୨୦୦ ପାର କରିଥିଲା। ଗ୍ରାବିଏଲ ଶେଷରେ ଆଣ୍ଡରସନଙ୍କୁ ବୋଲ୍ଡ କରି ଇଂଲଣ୍ଡ ଇନିଂସ୍‌ରେ ପୂର୍ଣ୍ଣଚ୍ଛେଦ ଟାଣିଥିଲେ।

ଆହୁରି ପଢ଼ନ୍ତୁ

ବିମାନ ବନ୍ଦରରେ ହଟହଟା ହେଲେ କାନିମୋଝୀ

ଭୂସ୍ଖଳନ ଘଟଣାରେ ମୃତ୍ୟୁ ସଂଖ୍ୟା ଛୁଇଁଲା ୪୨

ଭଗବାନ ରାମଙ୍କ ପରେ ବୁଦ୍ଧଙ୍କୁ ନେଇ ନୂଆ ବିବାଦ କଲା ନେପାଳ

‘ବିହାର ନୁହେଁ, ମୁମ୍ବାଇ ସୁଶାନ୍ତଙ୍କୁ ଲୋକପ୍ରିୟ କରିଛି’

ଶ୍ୱାସରୁଦ୍ଧ ହୋଇ ପାଇଖାନା ଟାଙ୍କିରେ ଜୀବନ ହାରିଲେ ୬ ଜଣ

ସ୍ୱାମୀର କଥା ଶୁଣି ମରଣ ମୁହଁରୁ ଉଠି ବସିଲା ସ୍ତ୍ରୀ

ନୋଟବନ୍ଦୀ, ଜିଏସଟି ଏବଂ ଲକଡାଉନ୍ ମୋଦି ସରକାରର ଭୁଲ୍ ପଦକ୍ଷେପ: ରାହୁଲ୍

ଜନ୍ମଦିନରେ ମହେଶ ବାବୁଙ୍କୁ ପୁଅଝିଅ ଦେଲେ ଉପହାର

ଶାହଙ୍କ କରୋନା ରିପୋର୍ଟକୁ ନେଇ ଦ୍ୱନ୍ଦ୍ୱ, ସ୍ପଷ୍ଟୀ କରଣ ରଖିଲା ଗୃହ ମନ୍ତ୍ରାଳୟ

ରିୟାଙ୍କୁ ପୁଣି ଡାକିଲା ଇଡି

ଲୋକଙ୍କୁ ସୋନୁ ସୁଦ୍‌ଙ୍କ‌ ଅନୁରୋଧ

ଅଯୋଧ୍ୟା ଭଳି ନେପାଳରେ ଭବ୍ୟ ଶ୍ରୀରାମ ମନ୍ଦିର ନିର୍ମାଣ ପାଇଁ ଓଲିଙ୍କ ନିର୍ଦ୍ଦେଶ