ଆଫଗାନିସ୍ତାନକୁ ୩୧୨ ରନର ଟାର୍ଗେଟ୍ ଦେଲା ୱେଷ୍ଟଇଣ୍ଡିଜ୍

ଲିଡ୍ସ: ଚଳିତ ଆଇସିସି ବିଶ୍ୱକପର ୪୨ତମ ମ୍ୟାଚ୍ ୱେଷ୍ଟଇଣ୍ଡିଜ୍ ଓ ଆଫଗାନିସ୍ତାନ ମଧ୍ୟରେ ଖେଳାଯାଉଛି। ଏହି ମ୍ୟାଚରେ ୱେଷ୍ଟଇଣ୍ଡିଜ୍ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୬ ୱିକେଟ୍ ହରାଇ ୩୧୧ ରନ୍ କରିଛି। ଫଳରେ ଆଫଗାନିସ୍ତାନକୁ ମ୍ୟାଚ୍ ଜିତିବା ପାଇଁ ୩୧୨ ରନ୍ କରିବାକୁ ପଡ଼ିବ। ୱେଷ୍ଟଇଣ୍ଡିଜ୍ ପକ୍ଷରୁ ଏଭିନ୍ ଲୁଇସ୍ (୫୮), ଶାଇ ହୋପ୍ (୭୭) ଓ ନିକୋଲାସ ପୁରନ୍ (୫୮) ଅର୍ଦ୍ଧଶତକ ମାରିଛନ୍ତି। ଉଭୟ ୱେଷ୍ଟଇଣ୍ଡିଜ୍ ଓ ଆଫଗାନିସ୍ତାନ ପାଇଁ ଏହି […]

wi

wi

Hemant Lenka
  • Published: Thursday, 04 July 2019
  • Updated: 04 July 2019, 06:58 PM IST

Sports

Latest News

ଲିଡ୍ସ: ଚଳିତ ଆଇସିସି ବିଶ୍ୱକପର ୪୨ତମ ମ୍ୟାଚ୍ ୱେଷ୍ଟଇଣ୍ଡିଜ୍ ଓ ଆଫଗାନିସ୍ତାନ ମଧ୍ୟରେ ଖେଳାଯାଉଛି। ଏହି ମ୍ୟାଚରେ ୱେଷ୍ଟଇଣ୍ଡିଜ୍ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୬ ୱିକେଟ୍ ହରାଇ ୩୧୧ ରନ୍ କରିଛି। ଫଳରେ ଆଫଗାନିସ୍ତାନକୁ ମ୍ୟାଚ୍ ଜିତିବା ପାଇଁ ୩୧୨ ରନ୍ କରିବାକୁ ପଡ଼ିବ।

ୱେଷ୍ଟଇଣ୍ଡିଜ୍ ପକ୍ଷରୁ ଏଭିନ୍ ଲୁଇସ୍ (୫୮), ଶାଇ ହୋପ୍ (୭୭) ଓ ନିକୋଲାସ ପୁରନ୍ (୫୮) ଅର୍ଦ୍ଧଶତକ ମାରିଛନ୍ତି। ଉଭୟ ୱେଷ୍ଟଇଣ୍ଡିଜ୍ ଓ ଆଫଗାନିସ୍ତାନ ପାଇଁ ଏହି ମ୍ୟାଚର କୌଣସି ଗୁରୁତ୍ୱ ନାହିଁ। ତେବେ ଦୁଇ ଦଳ ବିଜୟ ସହ ବିଶ୍ୱକପ୍ ଅଭିଯାନ ଶେଷ କରିବାକୁ ଚାହିଁବେ।

ହେଡିଙ୍ଗଲେରେ ଖେଳାଯାଇଥିବା ଏହି ମ୍ୟାଚରେ ୱେଷ୍ଟଇଣ୍ଡିଜ୍ କ୍ୟାପଟେନ୍ ଜେସନ୍ ହୋଲ୍ଡର ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଟିମର୍ ବିସ୍ଫୋରକ ଓପ୍ନର କ୍ରିସ୍ ଗେଲ୍ ନିରାଶ କରି ମାତ୍ର ୭ ରନ୍ କରି ପ୍ୟାଭିଲିୟନ୍ ଫେରିଥିଲେ। ଏଭିନ୍ ଲୁଇସ୍ ଓ ଶାଇ ହୋପ୍ ଦ୍ୱିତୀୟ ୱିକେଟ୍ ପାଇଁ ୮୮ ରନ୍ ଯୋଡ଼ି ଟିମ୍ ସ୍କୋରକୁ ୧୦୦ରେ ପହଞ୍ଚାଇଥିଲେ।

ଲୁଇସ୍ ୭୮ ବଲରେ ୬ ଚୌକା ଓ ୨ ଛକା ସହ ୫୮ ରନ୍ କରି ରଶିଦ୍ ଖାନଙ୍କ ବଲରେ ଆଉଟ୍ ହୋଇଥିଲେ। ତାଙ୍କ ସ୍ଥାନ ପୂରଣ କରିବାକୁ ଆସିଥିବା ଶିମରନ୍ ହେଟମେୟର୍ ଦ୍ରୁତ ରନ୍ କରିଥିଲେ ହେଁ, ବଡ଼ ସ୍କୋର କରିବାକୁ ସକ୍ଷମ ହୋଇନଥିଲେ। ସେ ୩୧ ବଲରେ ୩ ଚୌକା ଓ ୨ ଛକା ସହ ୩୯ ରନ୍ କରି ଦୌଲତ ଜର୍ଦ୍ଦାନଙ୍କ ଶିକାର ହୋଇଥିଲେ।

ହୋପ୍ ଅର୍ଦ୍ଧଶତକ ମାରି ଶତକ ଆଡ଼କୁ ଅଗ୍ରସର ହେଉଥିବା ବେଳେ ତାଙ୍କୁ ମହମ୍ମଦ ନବି ପ୍ୟାଭିଲିୟନ୍ ପଠାଇଥିଲେ। ହୋପ୍ ୭୭ (୯୨ ବଲ୍, ୬ ଚୌକା, ୨ ଛକା) ରନ୍ କରିବାକୁ ସକ୍ଷମ ହୋଇଥିଲେ। ତେବେ ଇନଫର୍ମ ବ୍ୟାଟ୍ସମ୍ୟାନ୍ ନିକୋଲାସ ପୁରନ୍ ଓ କ୍ୟାପଟେନ୍ ହୋଲ୍ଡର୍ ଚମତ୍କାର ବ୍ୟାଟିଂ କରି ଟିମ୍ ସ୍କୋରକୁ ୩୦୦ ରନରେ ପହଞ୍ଚାଇଥିଲେ। ଦୁହେଁ ପଞ୍ଚମ ୱିକେଟ୍ ପାଇଁ ୧୦୫ ରନର ଭାଗୀଦାରୀ କରିଥିଲେ।

ପୁରନ୍ ଅର୍ଦ୍ଧଶତକ କରିଥିବା ବେଳେ ହୋଲ୍ଡର୍ ବଞ୍ଚିତ ହୋଇଥିଲେ। ପୁରନ୍ ମାତ୍ର ୪୩ ବଲରେ ୬ ଚୌକା ଓ ୧ ଛକା ସହ ୫୮ ଓ ହୋଲ୍ଡର୍ ୩୪ ବଲରେ ୧ ଚୌକା ଓ ୪ ଛକା ସହ ୪୫ ରନ୍ କରି ଆଉଟ୍ ହୋଇଥିଲେ। କାର୍ଲସ୍ ବ୍ରାଥୱେଟ୍ ମାତ୍ର ୪ ବଲରେ ୨ ଚୌକା ଓ ୧ ଛକା ସହ ଦ୍ରୁତ ୧୪ ରନ୍ କରି ଅପରାଜିତ ଥିଲେ। ଆଫଗାନିସ୍ତାନ ପକ୍ଷରୁ ଦୌଲତ ୨ଟି, ସୟେଦ୍ ଶିରଜାଦ୍, ନବି ଓ ରଶିଦ୍ ଗୋଟିଏ ଲେଖାଏ ୱିକେଟ୍ ହାସଲ କରିଥିଲେ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos