ଭୁବନେଶ୍ୱର: ଦିନିକିଆ ପରେ ଆଜିଠାରୁ ଆରମ୍ଭ ହେଉଛି ଭାରତ- ନ୍ୟୁଜିଲାଣ୍ଡ ଟି-ଟ୍ୱେଣ୍ଟି ସିରିଜ୍। ତିନିଟି ମ୍ୟାଚ୍ ବିଶିଷ୍ଟ ଏହି ସିରିଜ୍ର ପ୍ରଥମ ମ୍ୟାଚ୍ ଆଜି ଦିଲ୍ଲୀର ଫିରୋଜଶାହ କୋଟଲା ଗ୍ରାଉଣ୍ଡରେ ଖେଳା ଯିବ। ସନ୍ଧ୍ୟା ୭ଟାରୁ ଏହି ମ୍ୟାଚ୍ ଖେଳା ଯିବ।
ଟି-ଟ୍ୱେଣ୍ଟିରେ ନ୍ୟୁଜିଲାଣ୍ଡ ବିପକ୍ଷରେ ଭାରତର ରେକର୍ଡ ଆଦୌ ଭଲ ନୁହେଁ। ବର୍ତ୍ତମାନ ସୁଦ୍ଧା ଦୁଇ ଦେଶ ୫ ଥର ମୁହାଁମୁହିଁ ହୋଇଥିବା ବେଳେ ପ୍ରତ୍ୟେକ ଥର ପରାଜୟର ସମ୍ମୁଖୀନ ହୋଇଛି ଭାରତ। ତେଣୁ ଭଲ ଫର୍ମରେ ଥିବା ଭାରତୀୟ ଟିମ୍ ଏହି ମ୍ୟାଚ୍ ଜିତି ନ୍ୟୁଜିଲାଣ୍ଡ ବିପକ୍ଷରେ ଟି-ଟ୍ୱେଣ୍ଟିରେ ବିଜୟର ଖାତା ଖୋଲିବାକୁ ଉଦ୍ୟମ କରିବ।
ଅନ୍ୟପକ୍ଷରେ ଆଜି ଅନ୍ତର୍ଜାତୀୟ କ୍ରିକେଟ୍ରୁ ଅବସର ନେବେ ୩୮ ବର୍ଷୀୟ ଭାରତୀୟ ପେସ୍ ବୋଲର ଆଶିଷ ନେହେରା।
ଦିନିକିଆ ସିରିଜ୍ରେ ଭାରତ ନ୍ୟୁଜିଲାଣ୍ଡକୁ ୨-୧ରେ ହରାଇଥିଲା। ଏହା ସହିତ ଭାରତ ଲଗାତାର ୭ଟି ଶୃଙ୍ଖଳା ଜିତିବାର ଗୌରବ ଅର୍ଜନ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।