ଅଗଷ୍ଟ ପ୍ରଥମ ସପ୍ତାହରେ ଆରମ୍ଭ ହୋଇପାରେ ଭାରତର ୱେଷ୍ଟଇଣ୍ଡିଜ୍ ଗସ୍ତ

ନୂଆଦିଲ୍ଲୀ: ଭାରତର ୱେଷ୍ଟଇଣ୍ଡିଜ୍ ଗସ୍ତ ଅଗଷ୍ଟ ପ୍ରଥମ ସପ୍ତାହରୁ ଆରମ୍ଭ ହୋଇପାରେ, କାରଣ କ୍ରିକେଟ୍ ୱେଷ୍ଟଇଣ୍ଡିଜ୍ (ସିଡବ୍ଲ୍ୟୁଆଇ) ଏହି ଗସ୍ତକୁ ଦୁଇ ସପ୍ତାହ ଆଗକୁ ବଢ଼ାଇବାର ବିସିସିଆଇର ଆବେଦନକୁ ଗ୍ରହଣ କରିନେଇଛି।

ପୂର୍ବ କାର୍ଯ୍ୟକ୍ରମ ଅନୁଯାୟୀ, ଭାରତୀୟ କ୍ରିକେଟ୍ ଟିମକୁ ଜୁଲାଇ ୧୪ ତାରିଖରେ ବିଶ୍ୱକପ୍ ଫାଇନାଲ୍ ପରେ ୱେଷ୍ଟଇଣ୍ଡିଜ୍ ଗସ୍ତ କରିବାର ଥିଲା। ବିସିସିଆଇ ଏହି ଗସ୍ତ ପୂର୍ବରୁ ଭାରତୀୟ ଖେଳାଳିମାନଙ୍କୁ ବିଶ୍ରାମ ଦେବାକୁ ଚାହୁଁଛି, ଯେଉଁଥିରେ ସିଡବ୍ଲ୍ୟୁଆଇ ମଧ୍ୟ ସହମତି ହୋଇଛି। ଆଇସିସି ଫ୍ୟୁଚର୍ ଟୁର୍ ଅନୁଯାଯୀ, ବିଶ୍ୱକପ୍ ପରେ ଭାରତ ୱେଷ୍ଟଇଣ୍ଡିଜ୍ ଗସ୍ତରେ ଦୁଇ ଟେଷ୍ଟ, ୩ ଦିନିକିଆ ଓ ୩ ଟି-୨୦ ମ୍ୟାଚ୍ ଖେଳିଥାନ୍ତା।

ଇଏସପିଏନକ୍ରିକଇନଫୋ ରିପୋର୍ଟ ଅନୁଯାୟୀ, ଅଗଷ୍ଟ ପ୍ରଥମ ସପ୍ତାହରୁ ସେପ୍ଟେମ୍ବର ୪ ତାରିଖ ପର୍ଯ୍ୟନ୍ତ ଭାରତ ଓ ୱେଷ୍ଟଇଣ୍ଡିଜ୍ ସିରିଜ୍ ଚାଲିବ। ତେବେ ଏହି ଗସ୍ତ ଉପରେ ଫାଇନାଲ୍ ସୂଚନା ମେ’ ୧୩ ତାରିଖରେ ହେବାକୁଥିବା ବୋର୍ଡ ମିଟିଂରେ ଧାର୍ଯ୍ୟ ହେବ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।