କଳିଙ୍ଗରେ ଚାମ୍ପିୟନ ହେଲା ଭାରତ, ଦକ୍ଷିଣ ଆଫ୍ରିକାକୁ ୫-୧ରେ ହରାଇଲା

ଭୁବନେଶ୍ୱର(ଓଡ଼ିଶା ରିପୋର୍ଟର): କଳିଙ୍ଗ ଷ୍ଟାଡିୟମରେ ଚାଲିଥିବା ପୁରୁଷ ହକି ସିରିଜ୍‌ ଫାଇନାଲ୍ସରେ ଚାମ୍ପିୟନ ହୋଇଛି ଭାରତ। ଆଜି ଫାଇନାଲରେ ଭାରତର ମୁକାବିଲା ଅପେକ୍ଷାକୃତ ଦୁର୍ବଳ ଦକ୍ଷିଣ ଆଫ୍ରିକା ସହ ହୋଇଥିଲା। ଏହି ମ୍ୟାଚ୍‌ରେ ଭାରତୀୟ ପୁରୁଷ ହକି ଦଳ ଚମତ୍କାର ଖେଳ ପ୍ରଦର୍ଶନ କରି ଦକ୍ଷିଣ ଆଫ୍ରିକାକୁ ୫-୧ ଗୋଲ୍‌ରେ ପରାସ୍ତ କରିଛି।  ଭାରତ ପକ୍ଷରୁ ବରୁଣ କୁମାର ଓ ମନପ୍ରୀତ ସିଂହ ୨ଟି ଲେଖାଏ ଗୋଲ ଦେଇଥିବା ବେଳେ ବିବେକ ପ୍ରସାଦ ଗୋଟିଏ ଗୋଲ ସ୍କୋର କରିଛନ୍ତି।

ମ୍ୟାଚ୍‌ ଆରମ୍ଭରୁ ହିଁ ଭାରତୀୟ ଟିମ୍‌ ନିଜର ଦବଦବା ଦେଖାଇଥିଲା। ମ୍ୟାଚ୍‌ର ଦ୍ୱିତୀୟ ମିନିଟ୍‌ରେ ଭାରତକୁ ମିଳିଥିବା ପେନାଲ୍ଟି କର୍ଣ୍ଣରକୁ ବରୁଣ କୁମାର ଗୋଲ୍‌ରେ ପରିଣତ କରି ଟିମ୍‌ ଇଣ୍ଡିଆକୁ ୧-୦ରେ ଆଗୁଆ କରିଦେଇଥିଲେ। ଏହି ଗୋଲ ପରେ ମଧ୍ୟ ଭାରତ ଘନଘନ ଆକ୍ରମଣ କରିଥିଲା। ମ୍ୟାଚ୍‌ର ୧୧ତମ ମିନିଟ୍‌ରେ ଭାରତକୁ ଆଉ ଏକ ପେନାଲ୍ଟି କର୍ଣ୍ଣର ମିଳିଥିଲା। ଏହାକୁ ପେନାଲ୍ଟି କର୍ଣ୍ଣର ସ୍ପେଶାଲିଷ୍ଟ ମନପ୍ରୀତ ସିଂହ ଗୋଲରେ ପରିଣତ କରି ଭାରତକୁ ୨-୦ରେ ଆଗୁଆ କରିଦେଇଥିଲେ।

ପ୍ରଥମ କ୍ୱାର୍ଟର ସୁଦ୍ଧା ଭାରତ ୨-୦ରେ ଆଗୁଆ ରହିଥିଲା। ଦ୍ୱିତୀୟ କ୍ୱାର୍ଟରରେ ମଧ୍ୟ ଭାରତ ନିଜର ଆକ୍ରମଣାତ୍ମକ ଖେଳ ଜାରି ରଖିଥିଲା। ମ୍ୟାଚ୍‌ର ୨୫ତମ ମିନିଟ୍‌ରେ ଭାରତକୁ ପୁଣିଏକ ପେନାଲ୍ଟି କର୍ଣ୍ଣର ମିଳିଥିଲା। ଏହାକୁ ପୁନଶ୍ଚ ହରମନପ୍ରୀତ ଗୋଲରେ ପରିଣତ କରି ହାଫ୍‌ ଟାଇମ୍‌ ସୁଦ୍ଧା ଭାରତକୁ ୩-୦ରେ ଆଗୁଆ କରିଦେଇଥିଲେ।

ସେହିପରି ୩୬ତମ ମିନିଟ୍‌ରେ ସିମରନଜୀତ ସିଂହଙ୍କ ଏକ ଚମତ୍କାର ପାସ୍‌କୁ ବିବେକ ପ୍ରସାଦ ଗୋଲ୍‌ରେ ପରିଣତ କରି ଗୋଲ ବ୍ୟବଧାନକୁ ୪-୦ କରିଦେଇଥିଲେ। ୪୩ ତମ ମିନିଟରେ ଭାରତକୁ ଗୋଲ ଦେବାର ସୁଯୋଗ ମିଳିଥିଲେ ହେଁ ଏହାକୁ ମନଦୀପ ସିଂହ ଗୋଲରେ ପରିଣତ କରିବାକୁ ବିଫଳ ହୋଇଥିଲେ।

୫୦ତମ ମିନିଟ୍‌ରେ ବରୁଣ କୁମାର ପୁଣି ଏକ ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରି ଭାରତକୁ ୫-୦ରେ ଆଗୁଆ କରିଦେଇଥିଲେ।

ତେବେ ମ୍ୟାଚ୍‌ର ୫୩ତମ ମିନିଟ୍‌ରେ ଦକ୍ଷିଣ ଆଫ୍ରିକାକୁ ଏକ ପେନାଲ୍ଟି କର୍ଣ୍ଣର ମିଳିଥିଲା। ଏହାକୁ ରିଚାର୍ଡ ପାଉଟଜ୍ ଗୋଲ୍ରେ ପରିଣତ କରି ଗୋଲ ବ୍ୟବଧାନକୁ ୫-୧ କରିବାକୁ ସକ୍ଷମ ହୋଇଥିଲେ। ୫୭ତମ ମିନିଟ୍‌ରେ ଆଉ ଏକ ପେନାଲ୍ଟି କର୍ଣ୍ଣର ମିଳିଥିଲା। କିନ୍ତୁ ଏହାକୁ ଗୋଲକିପର ଶ୍ରୀଜେସ ଓ ଡ୍ରାଗ୍‌ ଫ୍ଲିକର ତଥା ଓଡ଼ିଆ ପୁଅ ଅମିତ ରୋହିଦାସ ଅଟକାଇ ଦେଇଥିଲେ।

ଶେଷରେ ଭାରତ ଏହି ମ୍ୟାଚ୍‌କୁ ୫-୧ରେ ଜିତିବା ସହ ହକି ସିରିଜ୍‌ ଫାଲନାଲ୍ସ ଟ୍ରଫିକୁ ନିଜ ନାଁରେ କରିଥିଲା।

 

ଆହୁରି ପଢ଼ନ୍ତୁ

କରୋନା ରୋଗୀଙ୍କୁ ଦିଆଯିବ ସୋରିଆସିସ୍‌ ଇଞ୍ଜେକସନ, ସରକାର ଦେଲେ ଅନୁମତି

ମାର୍କେଟକୁ ଆସିଲା ହୀରାର ମାସ୍କ, ଦାମ୍‌ କେତେ ଜାଣନ୍ତୁ

ପୁଣି କରୋନାରେ ଭାରତର ନୂଆ ରେକର୍ଡ, ସଂକ୍ରମିତଙ୍କ ସଂଖ୍ୟା ୮ ଲକ୍ଷ ଡେଇଁଲା

ପିଏମ କେୟାର୍ସ ଫଣ୍ଡର ପାର୍ଲାମେଣ୍ଟ ପ୍ୟାନେଲ ରିଭ୍ୟୁକୁ ରୋକିଲା ବିଜେପି, ସମର୍ଥନ କଲା ବିଜେଡି

ଧରାବୀ ପାଇଁ ଭାରତକୁ ହୁ’ର ପ୍ରଶଂସା

୮ ପଞ୍ଚାୟତରୁ ଆଉ ୩୩ ‘କରୋନା’ ଆକ୍ରାନ୍ତ ଚିହ୍ନଟ, ୩୧ ଲୋକାଲ୍‌ କେସ୍‌

‘କରୋନା’ ମୁକାବିଲା ପାଇଁ ଏଣିକି ୮ ହଜାର ଟେଷ୍ଟ ପାଇଁ ନିଷ୍ପତ୍ତି

ପ୍ରକାଶ ପାଇଲା ICSE ଦଶମ ଓ ISC ଦ୍ୱାଦଶ ଶ୍ରେଣୀ ପରୀକ୍ଷା ଫଳ

କେରଳ ହାତୀ ମୃତ୍ୟୁ: ଓଡ଼ିଶା ସମେତ ୧୨ଟି ରାଜ୍ୟକୁ ସୁପ୍ରିମକୋର୍ଟଙ୍କ ନୋଟିସ

ଅସ୍ତ୍ର ଛାଡ଼ି ମୁଖ୍ୟ ସ୍ରୋତରେ ସାମିଲ୍‌ ହେବାକୁ ନକ୍ସଲଙ୍କୁ ଅପିଲ୍‌ କଲେ ଡିଜି ଅଭୟ

ସୁପ୍ରିମକୋର୍ଟ ମୁଖ୍ୟବିଚାରପତିଙ୍କୁ ସମାଲୋଚନା କରି ବନ୍ଧାହେଲେ ଯୁବକ

କରୋନା ବଢ଼ୁଛି, ରାଜନୀତି ବଦଳୁଛି