ଜାକର୍ତ୍ତା: ଆୟୋଜକ ଇଣ୍ଡୋନେସିଆକୁ ଭାରତୀୟ ମହିଳା ଫୁଟବଲ ଦଳ ଦ୍ୱିତୀୟ ବନ୍ଧୁତ୍ୱପୂର୍ଣ୍ଣ ମ୍ୟାଚ୍ରେ ୨-୦ରେ ପରାସ୍ତ କରିଛି। ପ୍ରଥମ ମ୍ୟାଚ୍ରେ ମଧ୍ୟ ଭାରତୀୟ ମହିଳା ଦଳ ଇଣ୍ଡୋନେସିଆକୁ ୩-୦ରେ ପରାସ୍ତ କରିଥିଲା।
ଆଜିର ମ୍ୟାଚ୍ରେ ଭାରତ ଆରମ୍ଭରୁ ନିଜର ଦବଦବା ପ୍ରଦର୍ଶନ କରିଥିଲା। ପ୍ରଥମ ହାଫ୍ରେ ଭାରତ ପକ୍ଷରୁ ସଞ୍ଜୁ ଗୋଲ କରି ଭ୍ରମଣକାରୀ ଦଳକୁ ୧-୦ରେ ଆଗୁଆ କରିଦେଇଥିଲେ। ଏହାପରେ ଇଣ୍ଡୋନେସିଆ ସ୍ଥିତି ବରାବର କରିବାକୁ ଉଦ୍ୟମ କରିଥିଲା। କିନ୍ତୁ ଏହାକୁ ଭାରତୀୟ ରକ୍ଷଣଭାଗ ଭଣ୍ଡୁର କରିଦେଇଥିଲେ।
ମ୍ୟାଚ୍ ଶେଷ ହେବାକୁ ୨ ମିନିଟ୍ ବାକି ଥିବା ବେଳେ ଭାରତ ପକ୍ଷରୁ ଡାଙ୍ଗିମ ଗ୍ରେସ ଗୋଲ ସ୍କୋର କରି ବ୍ୟବଧାନକୁ ୨-୦ କରିଦେଇଥିଲେ। ଶେଷରେ ଭାରତ ୨-୦ରେ ମ୍ୟାଚ୍ ଜିତି ନେଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।