୩୨୧ ରନ୍‌ରେ ନ୍ୟୁଜିଲାଣ୍ଡକୁ ହରାଇଲା ଭାରତ

Ravichandran Ashwinଇନ୍ଦୋର: ନ୍ୟୁଜିଲାଣ୍ଡ ବିପକ୍ଷ ଇନ୍ଦୋର ଟେଷ୍ଟକୁ ଭାରତ ୩୨୧ ରନ୍‌ରେ ଜିତି ନେଇଛି। ଏହି ବିଜୟ ସହ ଟିମ୍‌ ଇଣ୍ଡିଆ ଟେଷ୍ଟ ସିରିଜକୁ ୩-୦ରେ ପୋଛି ନେଇଛି। ଦ୍ୱିତୀୟ ପାଳିରେ ୪୭୫ ରନ୍‌ର ବିଜୟ ଲକ୍ଷ୍ୟ ନେଇ ପଡିଆକୁ ଓହ୍ଲାଇ ଥିବା ନ୍ୟୁଜିଲାଣ୍ଡ ଦଳ ମାତ୍ର ୧୫୫ ରନ୍‌ରେ ଅଲଆଉଟ୍‌ ହୋଇଯାଇଥିଲା। ଭାରତର ଷ୍ଟାର ଅଫ୍‌ ପ୍ସିନର୍‌ ରବିଚନ୍ଦ୍ରନ ଅଶ୍ୱିନ ୭ ୱିକେଟ୍‌ ନେଇ ନ୍ୟୁଜିଲାଣ୍ଡ ଟିମ୍‌କୁ ଧରାଶାୟୀ କରି ଦେଇଥିଲେ। ମ୍ୟାଚ୍‌ରେ ସେ ମୋଟ ୧୩ଟି ୱିକେଟ୍‌ ନେଇଛନ୍ତି।

ଅଶ୍ୱିନ ଉଭୟ ମ୍ୟାନ୍‌ ଅପ୍‌ ଦି ମ୍ୟାଚ୍‌ ଓ ମ୍ୟାନ୍‌ ଅପ୍‌ ଦି ସିରିଜ ହୋଇଛନ୍ତି।

ଚେତେଶ୍ୱର ପୂଜାରାଙ୍କ ୧୦୧ ଓ ଗୌତମ ଗମ୍ଭୀରଙ୍କ ୫୦ ବଲ୍‌ରେ ୫୦ ରନ୍‌ ବଳରେ ଭାରତ ଦ୍ୱିତୀୟ ଇନିଂସ୍‌ରେ ୨୧୬/୩ରେ ପାଳି ଘୋଷଣା କରିଥିଲା। ଅନ୍ୟମାନଙ୍କ ମଧ୍ୟରେ ମୁରଲୀ ବିଜୟ ୧୯, ବିରାଟ କୋହଲି ୧୭ ରନ୍‌ କରିବାକୁ ସକ୍ଷମ ହୋଥଇଲେ। ଆଜିଙ୍କ୍ୟ ରାହାଣେ ୨୩ ରନ୍‌ କରି ଅପରାଜିତ ରହିଥିଲେ।

୪୭୫ ରନ୍‌ର ବିଜୟ ଲକ୍ଷ୍ୟ ନେଇ ପଡିଆକୁ ଓହ୍ଲାଇଥିବା ନ୍ୟୁଜିଲାଣ୍ଡର ବ୍ୟାର୍ଟ୍ସମ୍ୟାନ ମାନେ ଭାରତର ଦୁଇ ସ୍ପିନରଙ୍କ ମୁକାବିଲା କରି ପାରି ନ ଥିଲେ। ଅଶ୍ୱିନ (୭) ଏବଂ ରବୀନ୍ଦ୍ର ଜେଡେଜା୨ ୱିକେଟ୍‌ ନେଇଥିବା ବେଳେ ଉମେଶ ଯାଦବ ଗୋଟିଏ ୱିକେଟ୍‌ ନେଇଥିଲେ। ନ୍ୟୁଜିଲାଣ୍ଡର ୬ ଜଣ ବ୍ୟାର୍ଟ୍ସମ୍ୟାନ ଦୁଇ ଅଙ୍କ ଛୁଇଁବାକୁ ସକ୍ଷମ ହୋଇ ନ ଥିଲେ। ନ୍ୟୁଜିଲାଣ୍ଡ ପକ୍ଷରୁ ରସ୍‌ ଟେଲର ସର୍ବାଧିକ ୩୨ ରନ୍‌ କରିଥିଲେ।

ପ୍ରଥମ ଇନିଂସ୍‌ରେ ବିରାଟ କୋହଲିଙ୍କ ୨୧୧ ଓ ଆଜିଙ୍କ୍ୟ ରାହାଣେଙ୍କ ୧୮୮ ରନ୍‌ ବଳରେ ଭାରତ ୫୫୭ ରନ୍‌ର ବିଶାଳ ସ୍କୋର କରିଥିଲା। ଜବାବରେ ନ୍ୟୁଜିଲାଣ୍ଡ ଟିମ୍ ୨୯୯ରେ ଅଲ୍‌ଆଉଟ୍‌ ହୋଇଯାଇଥିଲା। ଭାରତ ନ୍ୟୁଜିଲାଣ୍ଡଙ୍କୁ ଫଲ୍‌ଅନ୍‌ ନ ଦେଇ ଦ୍ୱିତୀୟ ଇନିଂସ୍‌ ବ୍ୟାଟିଂ କରିଥିଲା।

ଆହୁରି ପଢ଼ନ୍ତୁ

୧୬ ତାରିଖରେ ପଡ଼ିଆକୁ ଫେରିବେ ମାହି!

ଆଇପିଏଲର ପ୍ରାୟୋଜକ ହେବ ବାବା ରାମଦେବଙ୍କ ‘ପତଞ୍ଜଳି’!

‘ଆମେ ୟେସ କହିଲୁ’: ଇନଷ୍ଟାଗ୍ରାମରେ ନିର୍ବନ୍ଧ ସମ୍ପର୍କରେ ଘୋଷଣା କଲେ ଚହଲ

ପାଣ୍ଡ୍ୟାଙ୍କ ପୁଅଙ୍କୁ ବଡ଼ ହେଲେ ଏମିତି ହେବାକୁ ପରାମର୍ଶ ଦେଲେ କେଏଲ ରାହୁଲ

୨୦୨୧ରେ ଭାରତରେ ହେବ ଟି-୨୦ ବିଶ୍ୱକପ, ୨୦୨୨ରେ ଅଷ୍ଟ୍ରେଲିଆ ପାଳି

ହକି ଟିମର ଅଧିନାୟକ ମନପ୍ରୀତ ସିଂହ ଓ ୩ ଖେଳାଳିଙ୍କୁ କରୋନା

ପଡ଼ିଆରେ ଜୋତା ବୋହିଲେ ପାକିସ୍ତାନର ପୂର୍ବତନ ଅଧିନାୟକ ସର୍ଫରାଜ

ଅନୱରଙ୍କ ପରେ ଇଂଲଣ୍ଡରେ ଶାନ ମାସୁଦ କଲେ ଏହି ରେକର୍ଡ

ଆଇପିଏଲ ପାଇଁ ଜାରି ହେଲା ଏସଓପି, ଜାଣନ୍ତୁ କ’ଣ ରହିଛି ନିୟମ

ଆଇପିଏଲରରୁ ହଟିଲା ଚାଇନିଜ କମ୍ପାନୀ ଭିଭୋ

ଦୁନିଆର ସବୁଠାରୁ ଦାମୀ କାର୍‌ କିଣିଲେ ରୋନାଲ୍ଡୋ, ଦାମ ଶୁଣିଲେ ହୋସ ଉଡ଼ିଯିବ

ପ୍ରତିଶୁଭେଚ୍ଛାରେ ଦୂତୀଙ୍କୁ ଏମିତି ଲେଖିଲେ ମୋଦି