ମାର୍ଲୋ (ଇଂଲଣ୍ଡ): ବିଶହାମ୍ ଆବି ସ୍ପୋର୍ଟ୍ସ ଏକାଡେମୀରେ ଆଜି ଇଂଲଣ୍ଡଠାରୁ ୨-୧ରେ ପରାଜିତ ହୋଇଛି ଭାରତୀୟ ଜୁନିୟର ହକି ଦଳ। ଭାରତ ଖେଳ ଆରମ୍ଭର ୨୪ ମିନିଟ୍ରେ ଏକ ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରିଥଲା। ଏହାପରେ ବହୁ ଚେଷ୍ଟା କରିଥଲେ ମଧ୍ୟ ଦଳ ଆଉ କିଛି ସୁଫଳ ପାଇପାରି ନ ଥିଲା।
ଅନ୍ୟପକ୍ଷରେ ଇଂଲଣ୍ଡର ୱିଲ୍ କାଲ୍ନାନ୍ (୨୬ ମିନିଟ)ରେ ଏକ ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରିଥିବା ବେଳେ ଇଡ୍ ହୋର୍ଲର (୩୦ମିନିଟ୍)ରେ ଆଉ ଏକ ଗୋଲ ଦେଇଥିଲେ।
ପ୍ରଥମାର୍ଦ୍ଧ ଶେଷ ବେଳକୁ ଇଂଲଣ୍ଡ ୨-୧ରେ ଆଗୁଆ ରହିଥିଲା। ପ୍ରଥମ ପର୍ଯ୍ୟାୟରେ ଭାରତୀୟ ଦଳକୁ ଇଂଲଣ୍ଡ ଚାପରେ ରଖିଥିଲା ବେଳେ ଶେଷାର୍ଦ୍ଧରେ ଭାରତ ଗୋଲ ଦେବାକୁ ପ୍ରବଳ ଚେଷ୍ଟା କରିଥିଲଲା। କିନ୍ତୁ ଏଥିରେ ସଫଳ ହୋଇପାରି ନ ଥିଲା ଦଳ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।