ତୃତୀୟ ଟେଷ୍ଟ: ଅଶ୍ୱିନଙ୍କୁ ୬ ୱିକେଟ୍‌, ନ୍ୟୁଜିଲାଣ୍ଡ ୨୯୯ରେ ଅଲ୍‌ଆଉଟ୍‌

asiniଇନ୍ଦୋର: ରବିଚନ୍ଦ୍ରନ ଅଶ୍ୱିନ୍‌ଙ୍କ ସ୍ପିନ୍‌ ଆଗରେ ଆଣ୍ଠେଇ ପଡ଼ିଲା ନ୍ୟୁଜିଲାଣ୍ଡ। ଇନ୍ଦୋରରେ ଚାଲିଥିବା ତୃତୀୟ ଟେଷ୍ଟର ପ୍ରଥମ ଇନିଂସରେ ଭ୍ରମଣକାରୀ ଦଳ ୨୯୯ ରନ୍‌ରେ ଅଲ୍‌ଆଉଟ୍ ହୋଇଯାଇଛି। ଏକା ଅଶ୍ୱିନ୍ ୬ଟି ୱିକେଟ୍ ନେଇଛନ୍ତି। ଆଜି ଷ୍ଟମ୍ପ୍ ଅପସାରଣ ବେଳକୁ ଭାରତ ଦ୍ୱିତୀୟ ଇନିଂସରେ କୌଣସି ୱିକେଟ୍ ନ ହରାଇ ୧୮ ରନ୍ କରିଛି। ମୁରଲୀ ବିଜୟ ୧୧ ଓ ଚେତେଶ୍ୱର ପୂଜାରା ୧ରନ୍ କରି କ୍ରିଜ୍‌ରେ ଅଛନ୍ତି। ଓପନ୍‌ର ଗୌତମ ଗମ୍ଭୀର ଆହତ ହୋଇ ପ୍ୟାଭିଲିୟନକୁ ଫେରି ଯାଇଥିଲେ।

ଆଜି ଥିଲା ତୃତୀୟ ଟେଷ୍ଟର ତୃତୀୟ ଦିନ। ଗତକାଲିଠାରୁ ୨୮ ରନ୍ କରିଥିବା ନ୍ୟୁଜିଲାଣ୍ଡ ଦଳ ଆଜି ପାଳିକୁ ଆଗେଇ ନେବା ପାଇଁ ପଡ଼ିଆକୁ ଓହ୍ଲାଇଥିଲେ ମାର୍ଟିନ ଗପ୍‌ଟିଲ୍ ଓ ଟମ୍ ଲାଥାମ୍। ଉଭୟ ଇନିଂସ୍‌କୁ ସୁରୁଖୁରୁରେ ଆଗେଇ ନେଉଥିଲେ। କିନ୍ତୁ ୩୪.୨ ଓଭରରେ ଲାଥାମ୍‌ଙ୍କ ୱିକେଟ୍ ପଡ଼ିଥିଲା। ସେ ୫୩ ରନ୍ କରି ଅଶ୍ୱିନଙ୍କ ଦ୍ୱାରା ଆଉଟ୍ ହୋଇଥିଲେ। ଦଳୀୟ ସ୍କୋର ୧୨୯ ହୋଇଥିବା ବେଳେ ପଡ଼ି ଥିଲା ଦ୍ୱିତୀୟ ୱିକେଟ୍‌। ୮ ରନ୍ କରି ଆଉଟ୍ ହୋଇଥିଲେ କେନ୍ ୱିଲିୟମସନ୍‌। ସେ ଅଶ୍ୱିନଙ୍କ ଏକ ବଲ୍‌ରେ ବୋଲ୍ଡ ହୋଇଥିଲେ। ତାଙ୍କ ପରେ ଆସିଥିବା ରସ୍ ଟେଲର ଶୂନ୍‌ରେ ଆଉଟ୍ ହୋଇଥିଲେ। କ୍ରିଜ୍‌ରେ ଜମି ସାରିଥିବା ମାର୍ଟିନ୍ ଗପ୍‌ଟିଲ୍‌ ୭୨ ରନ୍ କରି ରନ୍ ଆଉଟ୍ ହୋଇଥିଲେ। ଅଶ୍ୱିନ ତାଙ୍କୁ ରନ୍ ଆଉଟ୍ କରି ଥିଲେ। ସେତେବେଳେ ଦଳୀୟ ସ୍କୋର ୧୪୩ ରନ୍ ହୋଇଥିଲା। ଲ୍ୟୁକ୍ ରୋଞ୍ଚି ଶୂନ ରନ୍ କରି ଆଉଟ୍ ହୋଇଥିଲେ। ଜିମ୍ମି ନୀଶାମ ୭୧ ରନ୍ କରି ଅଶ୍ୱିନଙ୍କ ଦ୍ୱାରା ଏଲ୍‌ବିଡବ୍ଲ୍ୟୁ ହୋଇଥିଲେ। ୱାଲଟିଂ ୨୩ ଓ ମିଚେଲ୍ ସାଣ୍ଟନର ୨୨ ରନ୍ କରି ଥିଲେ। ଜୀତନ ପଟେଲ ୧୮ ରନ୍ କରି ଆଉଟ୍ ହୋଇଥିବା ବେଳେ ଓ ମାଟ୍ଟ ହନରୀ ୧୫ ରନ୍ କରି ଅପରାଜିତ ଥିଲେ।

ଏହି ଟେଷ୍ଟର ପ୍ରଥମ ଇନିଂସରେ ଭାରତ ୫ ୱିକେଟ୍ ହରାଇ ୫୫୭ ରନ୍ କରିଛି। ଏତିକିରେ ଦଳ ପାଳି ଘୋଷଣା କରିଥିଲା। ବିରାଟ କୋହଲି ଦ୍ୱିଶତ କରିଥିବା ବେଳେ ରାହାଣେ ୧୮୮ ରନ୍ କରି ଅଳ୍ପକେ ଦ୍ୱିଶତକୁ ବଞ୍ଚିତ ହୋଇଥିଲେ। କୋହଲି ୩୬୬ଟି ବଲ୍‌ରୁ ୨୦ଟି ଚୌକା ସହାୟତାରେ ୨୧୧ ରନ୍ କରିଥିଲେ। ରାହାଣେ ୧୮ଟି ଚୌକା ଓ ୪ଟି ଛକା ସହାୟତାରେ ୧୮୮ ରନ୍ କରିଥିଲେ। ରୋହିତ ଶର୍ମା ୬୩ ବଲ୍‌ରୁ ୩ଟି ଚୌକା ଓ ୨ଟି ଛକା ସହାୟତାରେ ୫୧ ରନ୍ କରି ଅପରାଜିତ ରହିଥିଲେ।

ଆହୁରି ପଢ଼ନ୍ତୁ

ସିରାଜ ଓ ଚହଲଙ୍କ ଚମକ, ୮୪ ରନରେ ଅଟକିଲା କୋଲକାତା

ଟସ୍ ଜିତିଲା କେକେଆର୍, ରସେଲ୍‌ ଆଉଟ୍

ଚେନ୍ନାଇକୁ ବଡ଼ ଝଟକା: ଆଇପିଏଲରୁ ବ୍ରାଭୋ ଆଉଟ

ପୁଣି ଶତକ ମାରିଲେ ଧୱନ, ପଞ୍ଜାବ ଆଗରେ ୧୬୫ ରନ୍‌ର ଟାର୍ଗେଟ

ପ୍ରଥମେ ବ୍ୟାଟିଂ କରିବ ଦିଲ୍ଲୀ: ଡେବ୍ୟୁ କରିବେ ସାମ୍ସ, କମବ୍ୟାକ୍‌ କଲେ ପନ୍ତ

ପାରିବାରିକ ବିବାଦ ଯୋଗୁ ଲଣ୍ଡନ ଚାଲି ଯାଇଛନ୍ତି କି ସିନ୍ଧୁ? ଦେଲେ ସ୍ପଷ୍ଟୀକରଣ

କ’ଣ ଏବେ ବି ଚେନ୍ନାଇ ପାଖରେ ଫ୍ଲେ ଅଫ ଖେଳିବାର ସୁଯୋଗ ଅଛି ? ଜାଣନ୍ତୁ ପୂରା ଗଣିତ

ବଟଲରଙ୍କ ମାଡ଼ରେ ଧୋନିଙ୍କ ଚେନ୍ନାଇ ଚିତପଟାଙ୍ଗ

୧୨୫ ରନ୍‌ରେ ଅଟକିଲେ ଧୋନି ଧୁରନ୍ଧର

ଇତିହାସ ରଚିଲେ ମହେନ୍ଦ୍ର ସିଂହ ଧୋନି

ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଲା ଚେନ୍ନାଇ

ଭାରତୀୟ ହକି ଦଳର ଷ୍ଟାର୍ ଖେଳାଳି ଅମିତ୍ ରୋହିଦାସଙ୍କ ପିତୃ ବିୟୋଗ