ହାଇଦ୍ରାବାଦ: ଆଇପିଏଲ୍ କ୍ରେଜ୍ ସାରା ଦେଶରେ ଏବେ ଦେଖିବାକୁ ମିଳୁଛି। ଆଇପିଏଲ ଦଶମ ସଂସ୍କରଣରେ ୮ଟି ଦଳ ଭାଗ ନେଇଥିବା ବେଳେ ଏହି ପ୍ରତିଯୋଗିତା ପାଖାପାଖି ଦେଢମାସ ଧରି ଚାଲିବ। ଏଥିପାଇଁ କ୍ରିକେଟ୍ ପ୍ରେମୀ ମାନେ ନିଜେ ନିଜର ପସନ୍ଦର ଟିମ୍ ଓ ଖେଳାଳିଙ୍କୁ ନେଇ ବେସ୍ ଉତ୍ସାହିତ। ଚଳିତ ଆଇପିଏଲ୍ ଆରମ୍ଭରୁ ହିଁ ପ୍ରତ୍ୟେକ ମ୍ୟାଚ୍ ସଂଘର୍ଷପୂର୍ଣ୍ଣ ରହି ଆସିଛି।
ଆଜି ଦୁଇଟି ମ୍ୟାଚ୍ ଖେଳାଯାଉଛି। ପ୍ରଥମ ମ୍ୟାଚ୍ ହାଇଦ୍ରାବାଦର ରାଜୀବ ଗାନ୍ଧୀ ଇଣ୍ଟରନ୍ୟାସନାଲ୍ ଷ୍ଟାଡିୟମରେ ଖେଳାଯାଉଛି। ଏହି ମ୍ୟାଚ୍ ସନରାଇଜର୍ସ୍ ହାଇଦ୍ରାବାଦ୍ ଓ ଗୁଜରାଟ ଲାୟନ୍ସ ମଧ୍ୟରେ ଖେଳାଯାଉଛି। ଯେଉଁଥିରେ ହାଇଦ୍ରାବାଦ ପ୍ରଥମେ ଟସ୍ ଜିତି ଗୁଜରାଟକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା ।
ଅନ୍ୟପଟେ ସନ୍ଧ୍ୟା ୮ଟା ସମୟରେ ଆଉ ଗୋଟିଏ ହାଇ ଭୋଲଟେଜ୍ ମ୍ୟାଚ୍ ଦେଖିବାକୁ ମିଳିବ। ଦୁଇ ଦୁଇ ଥର ଆଇପିଏଲ୍ ବିଜେତା ଉଭୟ କୋଲକାତା ଓ ମୁମ୍ବାଇ ମଧ୍ୟରେ ଟକ୍କର ହେବ। ଚଳିତ ଆଇପିଏଲରେ ଉଭୟ ଟିମ୍ ଗୋଟିଏ ଲେଖାଏଁ ମ୍ୟାଚ୍ ଖେଳିଛନ୍ତି। ପ୍ରଥମ ମ୍ୟାଚ୍ରେ କୋଲକାତା ଗୁଜରାଟ ଠାରୁ ୧୦ ୱିକେଟ୍ରେ ଜିତିଥିବା ବେଳେ ମୁମ୍ବାଇ ପ୍ରଥମ ମ୍ୟାଚ୍ରେ ପୁନେ ଠାରୁ ପରାଜିତ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।