ଭାରତ ବିପକ୍ଷ ୫ମ ଦିନିକିଆ ଖେଳି ନ ପାରନ୍ତି ମାକ୍ସୱେଲ୍

କାନେବରା: ଜାନୁଆରୀ ୨୩ରେ ଖେଳାଯିବା ଚଳିତ ଅଷ୍ଟ୍ରେଲିଆ-ଭାରତ ୫ ଟିକିଆ ଦିନିକିଆ ସିରିଜର ଶେଷ ମ୍ୟାଚ୍। ତେବେ ଏହି ମ୍ୟାଚରେ ଅଷ୍ଟ୍ରେଲିଆର ମିଡିଲ୍ ଅର୍ଡର ବ୍ୟାଟ୍ସମ୍ୟାନ୍ ଗ୍ଲେନ୍ ମାକ୍ସୱେଲ୍ ଖେଳିବା ନେଇ ଆଶଙ୍କା ଦେଖାଯାଇଛି। ତାଙ୍କ ଆଣ୍ଠୁରେ ଆଘାତ ଲାଗିଛି। ଗତ ମ୍ୟାଚରେ ତାଙ୍କ ଆଣ୍ଠୁରେ ଏକ ବଲ୍ ବାଜିଥିଲେ। ଇଶାନ୍ତ ଶର୍ମାଙ୍କ ଏକ ବଲକୁ ମାରିବାକୁ ଯାଇ ସେ ବିଫଳ ହୋଇଥିଲେ ଓ ବଲଟି ତାଙ୍କ ଆଣ୍ଠୁରେ ବାଜି ଥିଲା। ସେ ମାତ୍ର ୧୩ ରନ୍ କରିଥିବା ବେଳେ ତାଙ୍କ ଆଣ୍ଠୁରେ ବଲଟି ବାଜି ଥିଲା। ସେ ଯନ୍ତ୍ରଣା ଅନୁଭବ କରିଥିଲେ ମଧ୍ୟ ଖେଳ ଜାରି ରଖିଥିଲେ ଏବଂ ୨୦ଟି ବଲରୁ ୪୧ ରନ୍ କରିଥିଲେ। ଏଥିରେ ୬ଟି ଚୌକା ଓ ଗୋଟିଏ ଛକା ବି ଥିଲା।