ହାଇଦ୍ରାବାଦ: ନିଜର ସଠିକ୍ ନିଷ୍ପତ୍ତି ପାଇଁ ପରିଚିତ ୱିକେଟକିପର ମହେନ୍ଦ୍ର ସିଂହ ଧୋନିଙ୍କ ଦ୍ୱାରା ଏଭଳି ଏକ ଭୁଲ୍ ହୋଇଛି, ଯାହାକୁ ସହଜରେ ବିଶ୍ୱାସ କରିହେବ ନାହିଁ । ଶନିବାର ହାଇଦ୍ରାବାଦରେ ଖେଳାଯାଇଥିବା ଅଷ୍ଟ୍ରେଲିଆ ବିପକ୍ଷ ପ୍ରଥମ ଦିନିକିଆ ମ୍ୟାଚରେ ଧୋନିଙ୍କ ଦ୍ୱାରା କରାଯାଇଥିବା ଏକ ଭୁଲ୍ ଅପିଲର ଭିଡିଓ ଭାଇରାଲ୍ ହୋଇଛି ।
୧୯ତମ ଓଭରରେ କେଦାର ଯାଦବଙ୍କ ବଲରେ ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ୍ ମାର୍କସ ଷ୍ଟୋଇନିସ୍ ଷ୍ଟ୍ରେଟ୍ ଭ୍ରାଇଭ୍ ଖେଳିଥିଲେ । ଏହାକୁ ମଧ୍ୟ ଯାଦବ ସହଜରେ କ୍ୟାଚ୍ କରିନେଇଥିଲେ । ଯାଦବ କ୍ୟାଚ୍ ଧରିବା ମାତ୍ରକେ ୱିକେଟ୍ ପଛରେ କିପିଙ୍ଗ୍ କରୁଥିବା ଧୋନି ଅପିଲ୍ କରିବା ଆରମ୍ଭ କରିଦେଇଥିଲେ। ଧୋନିଙ୍କୁ ଦେଖି ଯାଦବ ମଧ୍ୟ ଅପିଲ୍ କରିବାରେ ଲାଗିଲେ । ଏହା ପରେ ଅମ୍ପାୟାର ସାମାନ୍ୟ ଦ୍ୱନ୍ଦ୍ୱରେ ପଡ଼ିଯାଇଥିଲେ ।
ମୁଖ୍ୟ ଅମ୍ପାୟାର ଲେଗ୍ ଅମ୍ପାୟାରଙ୍କ ନିକଟକୁ ଯାଇ ଆଲୋଚନା କରିଥିଲେ ଏବଂ ଏହାକୁ ଥାର୍ଡ ଅମ୍ପାୟାରଙ୍କ ନିକଟକୁ ପଠାଇଥିଲେ । ରିପ୍ଲେରେ ଦେଖିବାକୁ ମିଳିଥିଲା ଯେ ବଲ୍ ଷ୍ଟୋଇନିସଙ୍କ ବ୍ୟାଟରେ ଲାଗିବା ପରେ ସିଧା ଗ୍ରାଉଣ୍ଡକୁ ଟଚ୍ କରି ଯାଦବଙ୍କୁ ହାତକୁ ଯାଇଥିଲା । ଫଳରେ ଥାର୍ଡ ଅମ୍ପାୟାର ଏହାକୁ ନଟ୍ଆଉଟ୍ ଘୋଷିତ କରିଥିଲେ ।
ତେବେ ଧୋନିଙ୍କ ଦ୍ୱାରା ଏଭଳି ଭୁଲ୍ ଅପିଲକୁ ନେଇ ପ୍ରଶଂସକମାନେ ସୋଶାଲ ମିଡିଆରେ ପ୍ରତିକ୍ରିୟା ଦେଇଛନ୍ତି । ଧୋନିଙ୍କ ଦ୍ୱାରା ଏଭଳି ଭୁଲ ଅପିଲକୁ ଜଣେ ଟ୍ୱିଟର ହ୍ୟାଣ୍ଡଲରେ ପୋଷ୍ଟ କରିଛନ୍ତି।
ଦେଖନ୍ତୁ ଭିଡିଓ
Dhoni's appeal makes Umpires review pic.twitter.com/DjDfCdL3kJ
— Faizal Khan (@faizalkhanm9) March 2, 2019
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।