ରାଞ୍ଚି: ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜ୍ର ଶେଷ ଦୁଇଟି ମ୍ୟାଚ୍ରେ ଖେଳିବେନି ଟିମ୍ ଇଣ୍ଡିଆର ସବୁଠାରୁ ଅଭିଜ୍ଞ କ୍ରିକେଟର ମହେନ୍ଦ୍ର ସିଂହ ଧୋନି। ତାଙ୍କୁ ଟିମ୍ ମ୍ୟାନେଜମେଣ୍ଟ ବିଶ୍ରାମ ନେବାକୁ ନିଷ୍ପତ୍ତି ନେଇଛି। ଆଜି ରାଞ୍ଚି ଠାରେ ଶେଷ ହୋଇଥିବା ଅଷ୍ଟ୍ରେଲିଆ ଦିନିକିଆରେ ଭାରତ ପରାସ୍ତ ହୋଇଛି। ଏହାପରେ ଟିମ୍ ଇଣ୍ଡିଆର ବ୍ୟାଟିଂ କୋଚ୍ ସଞ୍ଜୟ ବାଙ୍ଗର କହିଛନ୍ତି, “ଆମେ ଏବେ କିଛି ପରିବର୍ତ୍ତନ କରିବାକୁ ଚାହୁଁଛୁ। ମାହି(ଧୋନି) ଶେଷ ଦୁଇଟି ଦିନିକିଆ ଖେଳିବେନି। ତାଙ୍କୁ ବିଶ୍ରାମ ଦିଆଯିବ।”
ଦୁଇ ବିଶ୍ରାମ ନେବା ଅର୍ଥ ଭାରତ ମାଟିରେ ଆଉ ଧୋନିଙ୍କୁ ଭାରତ ପକ୍ଷରୁ ମ୍ୟାଚ୍ ଖେଳୁଥିବା ଦେଖିବାକୁ ମିଳିବନି। କାରଣ ଅକ୍ଟୋବର ପର୍ଯ୍ୟନ୍ତ ଭାରତରେ କୌଣସି ଦିନିକିଆ ମ୍ୟାଚ୍ ହେବାର ନାହିଁ।
ଅଷ୍ଟ୍ରେଲିଆ ସିରିଜ୍ ପରେ ଟିମ୍ ଇଣ୍ଡିଆର ସଦସ୍ୟମାନେ ଆଇପିଏଲ୍ ଖେଳିବେ। ଏହାପରେ ମେ’ ୩୦ରୁ ବିଶ୍ୱକପ୍ ଆରମ୍ଭ ହେବ। ସମ୍ଭବତଃ ଇଂଲଣ୍ଡ ଠାରେ ଅନୁଷ୍ଠିତ ବିଶ୍ୱକପ୍ ପରେ ଧୋନି ଅବସର ନେବେ ବୋଲି କୁହାଯାଉଛି। ତେଣୁ ଧୋନିଙ୍କୁ ଆଉ ଟିମ୍ ଇଣ୍ଡିଆ ଜର୍ସିରେ ଦେଖିବାକୁ ନ ମିଳିପାରେ ବୋଲି କୁହାଯାଉଛି। ଅନ୍ୟପକ୍ଷରେ ଧୋନି ପୁଣିଥରେ ନିଜ ଘରୋଇ ଗ୍ରାଉଣ୍ଡରେ ମ୍ୟାଚ୍ ଖେଳିବା ଦରକାର ବୋଲି ରାଜ୍ୟ କ୍ରିକେଟ୍ ସଂଘ କହିଛି।
ବିରାଟ୍ ମଧ୍ୟ ମ୍ୟାଚ୍ ପରେ କିଛି ପରିବର୍ତ୍ତନ ହେବା ଦରକାର ବୋଲି କହିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
