ଅଷ୍ଟ୍ରେଲିଆ ଓପନ ଜିତିଲେ ନାଓମି ଓସାକା

ମେଲବର୍ଣ୍ଣ: ଅଷ୍ଟ୍ରେଲିଆ ଓପନରେ ବାଜିମାତ କରିଛନ୍ତି ନାଓମି ଓସାକା। ସେ ଫାଇନାଲ୍‌ରେ ଜେପିଫର ବ୍ରାଡୀଙ୍କୁ ସିଧାସଳଖ ୨-୦ରେ ସେଟ୍‌ ପରାସ୍ତ କରି ଚାମ୍ପିୟନ ହୋଇଛନ୍ତି। ଏଥିସହ ସେ ନିଜ ବ୍ୟାଡମିଣ୍ଟନ କ୍ୟାରିୟର୍‌ରେ ୪ର୍ଥ ଗ୍ରାଣ୍ଡ ସ୍ଲାମ ମଧ୍ୟ ଜିତିଛନ୍ତି।

ରୋଡ ଲାଭେର ଆରେନା କୋଟ୍‌ରେ ଆଜି ହଜାର ହଜାର ଲୋକଙ୍କ ଉପସ୍ଥିତିରେ ଆଜି ଫାଇନାଲ ମ୍ୟାଚ୍‌ ଖେଳାଯାଇଥିଲା। ଜେନିଫର ଓ ନାଓମି ପରସ୍ପରକୁ କଡ଼ା ଟକ୍କର ଦେଇଥିଲେ। ପ୍ରଥମ ସେଟ୍‌କୁ ଶେଷରେ ନାଓମି ୬-୪ ଓ ଦ୍ୱିତୀୟ ସେଟ୍‌ରେ ୬-୩ରେ ଜିତି ନେଇଥିଲେ। ୭୭ ମିନିଟ୍‌ ଧରି ଉଭୟ ଆଥଲେଟଙ୍କ ମଧ୍ୟରେ ଲଢ଼େଇ ହୋଇଥିଲା।

୨୩ ବର୍ଷୀୟ ନାଓମି ତୃତୀୟ ଖେଳାଳି ଭାବେ ନିଜର ୪ଟି ବଡ଼ ଟୁର୍ଣ୍ଣାମେଣ୍ଟରେ ଚାମ୍ପିୟନ ହୋଇଛନ୍ତି। ଏହାପୂର୍ବରୁ ମୋନିକା ସେଲେସ ଓ ରୋଜର ଫେଡରର୍‌ ଏଭଳି କୀର୍ତ୍ତିମାନ ସ୍ଥାପନ କରିଥିଲେ। ଏହି ବିଜୟ ସହ ଓସାକା ବିଶ୍ୱ ବ୍ୟାଡମିଣ୍ଟନ ରାଙ୍କିଙ୍ଗର ୨ନଂ ସ୍ଥାନରେ ପହଞ୍ଚି ଯାଇଛନ୍ତି। ଅନ୍ୟପକ୍ଷରେ ପରାଜୟ ସତ୍ତ୍ୱେ ବ୍ରାଡୀ ରାଙ୍କିଙ୍ଗର ୧୩ନଂରେ ପହଞ୍ଚି ଯାଇଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।