ନୂଆ ଫର୍ମାଟରେ ଖେଳାଯିବ ହକି ଇଣ୍ଡିଆ ଲିଗ୍

ଭୁବନେଶ୍ୱର: ଚଳିତବର୍ଷ ନୂଆ ଫର୍ମାଟରେ ଖେଳାଯିବ ହକି ଇଣ୍ଡିଆ ଲିଗ୍। ଗୋଲ୍ ନୁହେଁ ବରଂ ପଏଣ୍ଟ ବ୍ୟବଧାନରେ ମ୍ୟାଚ୍ ଜିତିବ ଦଳ। ଯେଉଁ ଦଳ ଯେତେ ଅଧିକ ଫିଲ୍ଡ ଗୋଲ୍ ଦେବ ସେ ହିଁ ହେବ ବିଜେତା। ଫିଲ୍ଡ ଗୋଲ୍ ପାଇଁ ୨ ପଏଣ୍ଟ ଥିବା ବେଳେ ପେନାଲ୍ଟି କର୍ଣ୍ଣର ଗୋଲ୍ ପାଇଁ ୧ ପଏଣ୍ଟ ପାଇବେ। ୧୮ ତାରିଖରୁ ଆରମ୍ଭ ହେବାକୁ ଥିବା ହକି ଇଣ୍ଡିଆ ଲିଗରେ ଏମିତି ନୂଆ ନିୟମ ଲାଗୁ ହେବ। ହକିକୁ ଅଧିକ ଆକର୍ଷଣୀୟ କରିବା ସହ ଫିଲ୍ଡ ଗୋଲକୁ ଗୁରୁତ୍ୱ ଦେବା ପାଇଁ ଏହି ନୂଆ ନିୟମ ଲାଗୁ କରାଯାଇଛି।

ମ୍ୟାଚରେ କିପରି ଅଧିକରୁ ଅଧିକ ଫିଲଡ୍ ଗୋଲ୍ ହେବ ତା ଉପରେ ଧ୍ୟାନ ଦେଉଛନ୍ତି କଳିଙ୍ଗ ଲାନସର୍ସର ମୁଖ୍ୟ କୋଚ୍ ମାର୍କ ହାଗର। ଏଥିସହିତ ପେନାଲିଟ୍ କର୍ଣ୍ଣରକୁ କିପରି ଫିଲଡ୍ ଗୋଲରେ ରୁପାନ୍ତରିତ କରାଯାଇପାରିବ ସେନେଇ ଖେଳାଳିଙ୍କୁ ନୂଆ ଟେକନିକ୍ ମଧ୍ୟ ଶିଖାଉଛନ୍ତି ବୋଲି କହିଛନ୍ତି ଦଳର ଖେଳାଳି ଏସ.କେ. ଉଥାପ୍ପା।

ଏବେ ଦେଖିବାର କଥା ହେଉଛି ହକି ଇଣ୍ଡିଆ ଲିଗରେ ଫିଲଡ୍ ଗୋଲ୍ ଦେବାରେ କେଉଁ ଦଳ କେତେ ସଫଳ ହେଉଛି।