ମନିକାଙ୍କ ସହ ୪ ଭାରତୀୟଙ୍କୁ ଅଲିମ୍ପିକ୍ସ ଟିକେଟ

ଚେନ୍ନାଇ: ଭାରତର ୪ ଜଣ ଟେବୁଲ ଟେନିସ(ଟିଟି) ଖେଳାଳି ଏକାଥରେ ଟୋକିଓ ଅଲିମ୍ପିକ୍ସ ଖେଳିବାକୁ ଯୋଗ୍ୟତା ଅର୍ଜନ କରିଛନ୍ତି। ଗୁରୁବାର ଦୋହାରେ ଏସିଆନ କ୍ୱାଲିଫାୟର୍ସରେ ୪ ଭାରତୀୟ ଦମଦାର ପ୍ରଦର୍ଶନ କରି ଏହି ସଫଳତା ପାଇଛନ୍ତି। ଏମାନଙ୍କ ମଧ୍ୟରେ ଷ୍ଟାର ଟିଟି ଖେଳାଳି ମନିକା ବାତ୍ରା, ତାମିଲନାଡୁର ଜି ସାଥିଆନ, ଶରଥ କମଲ, ସୁତ୍ରିଥା ମୁଖାର୍ଜୀ ରହିଛନ୍ତି।

ସାଥିଆନ ଓ ଶରଥ ପୁରୁଷ ଏକକ ବର୍ଗରେ ଅଲିମ୍ପିକ୍ସ ଖେଳିବାକୁ ଯୋଗ୍ୟତା ଅର୍ଜନ କରିଥିବା ବେଳେ ମନିକା ଓ ସୁତ୍ରିଥା ମହିଳା ଏକକ ବର୍ଗରେ ଟୋକିଓ ଯିବାକୁ ଟିକେଟ ପାଇଛନ୍ତି।


ଶରଥ ୪ର୍ଥ ଥର ଅଲିମ୍ପିକ୍ସ ଖେଳିବେ। ସେହିପରି ଦୋହାରେ ମିକ୍ସଡ ଡବଲ୍ସ କ୍ୱାଲିୟାର୍ସ ମଧ୍ୟ ଅନୁଷ୍ଠିତ ହେବ। ଏଥିରେ ଶରଥ ଭାଗ ନେଇଛନ୍ତି। ସେ ୨୦୦୪, ଏହାପରେ ବେଜିଂ ଓ ୨୦୧୬ରେ ରିଓରେ ଭାରତ ପାଇଁ ଅଲିମ୍ପିକ୍ସ ଖେଳିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।