ପିସ୍ତଲ୍ ସୁଟର ହୀନାଙ୍କୁ ଅଲିମ୍ପିକ ଟିକେଟ୍

ନୂଆଦିଲ୍ଲୀ: ଭାରତର ଟପ୍ ପିସ୍ତଲ ସୁଟର ହୀନା ସିଧୁଙ୍କୁ ବୁଧବାର ରିଓ ଅଲିମ୍ପିକ ପାଇଁ ଟିକେଟ ମିଳିଛି। ନୂଆଦିଲ୍ଲୀଠାରେ ଏସିଆ ଅଲିମ୍ପିକ୍ କ୍ୱାଲିଫାୟରର୍ସର ପ୍ରଥମ ଦିନରେ ଆଜି ହୀନା ୧୦ମିଟର ଏୟାର ପିସ୍ତଲର ମହିଳା ବର୍ଗରେ ସ୍ୱର୍ଣ୍ଣ ଜିତି ପାଇଛନ୍ତି ଅଲିମ୍ପିକ ପାଇଁ ଟିକେଟ୍ ।

ଫାଇନାଲକୁ ୮ଜଣ ମହିଳା ଉନ୍ନିତ ହୋଇଥିବା ବେଳେ ବିଶ୍ୱର ପୁର୍ବତନ ଏକ ନମ୍ବର ତଥା ଏବେକାର ବିଶ୍ୱ ରେକର୍ଡଧାରି ହୀନା ୧୯୯.୪ ସୁଟ କରିଥିଲେ। ଚାଇନିଜ୍ ତାଇପେଇର ଟିଆନ୍ ଚିଆ ଚାନ୍ ୧୯୮.୧ ଲକ୍ଷ୍ୟଭେଦ କରି ରୌପ୍ୟ ପଦକ ହାସଲ କରିଥିବା ବେଳେ କୋରିଆର ଜିମ୍ ୟୁନ୍ ମି ୧୭୭.୯ ଲକ୍ଷ୍ୟଭେଦ କରି ବ୍ରୋଞ୍ଚ ପଦକ ଜିତିଛନ୍ତି।

ହୀନାଙ୍କୁ ମିଶାଇ ରିଓ ଅଲିମ୍ପିକ ଗେମ୍ସକୁ ୯ଜଣ ସୁଟର ଟିକେଟ ପାଇଛନ୍ତି।