ଟି-୨୦ରେ ରେକର୍ଡ କଲେ ରାହୁଲ

ବେଙ୍ଗାଲୁରୁ: ଟିମ୍‌ ଇଣ୍ଡିଆର ବ୍ୟାଟସ୍‌ମ୍ୟାନ୍‌ ତଥା ଆଇପିଏଲ୍‌ରେ ପଞ୍ଜାବ ପକ୍ଷରୁ ଖେଳୁଥିବା କେଏଲ ରାହୁଲ ଟି-୨୦ରେ ରେକର୍ଡ କରିଛନ୍ତି। ସେ ପ୍ରଥମ ଭାରତୀୟ ଭାବେ ସବୁଠାରୁ କମ୍‌ ଇନିଂସ୍‌ରେ ଟି-୨୦ ଫର୍ମାଟରେ ୩ ହଜାର ରନ୍‌ ସଂଗ୍ରହ କରିବାର ରେକର୍ଡ ନିଜ ନାଁରେ ଲେଖିଛନ୍ତି।

ରାହୁଲ ୯୩ଟି ଇନିଂସ୍‌ରେ ୩ ହଜାର ରନ୍‌ ହାସଲ କରିଛନ୍ତି। ରାହୁଲଙ୍କ ପୂର୍ବରୁ କୌଣସି ଭାରତୀୟ ଏତେ କମ୍‌ ଇନିଂସ୍‌ରେ କ୍ରିକେଟର ଏହି ଛୋଟିଆ ଫର୍ମାଟରେ ୩ ହଜାର ରନ୍‌ ସଂଗ୍ରହ କରି ନଥିଲେ। ତେବେ ଏଭଳି କମ୍‌ ଇନିଂସ୍‌ରେ ଟି-୨୦ରେ ୩ ହଜାର ରନ୍‌ ସଂଗ୍ରହ କରିବା ତାଲିକାରେ ଅଷ୍ଟ୍ରେଲିଆର ଶନ୍‌ ମାର୍ଶ ପ୍ରଥମ ସ୍ଥାନରେ ରହିଛନ୍ତି। ମାର୍ଶ ମାତ୍ର ୮୫ଟି ଇନିଂସ୍‌ରେ ୩ ହଜାର ରନ୍‌ ସଂଗ୍ରହ କରିଥିଲେ।

ଗତକାଲି ରାହୁଲ ବେଙ୍ଗାଲୁରୁ ବିପକ୍ଷ ମ୍ୟାଚ୍‌ରେ ୨୭ଟି ବଲ୍‌ରେ ୪୨ ରନ୍‌ ହାସଲ କରିବା ପରେ ଏହି କୀର୍ତ୍ତିମାନ ସ୍ଥାପନ କରିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।