ରଣଜୀ ମ୍ୟାଚ୍: କେରଳ ୨୨୩/୪, ଗୋଆ ୩୩୩/୨

jaljaଭୁବନେଶ୍ୱର: ଆଜିଠାରୁ ଭୁବନେଶ୍ୱର ସ୍ଥିତ କିଟ୍ କ୍ରିକେଟ୍ ଷ୍ଟାଡିୟମରେ ଆରମ୍ଭ ହୋଇଛି ହାଇଦ୍ରାବାଦ ଓ କେରଳ ମଧ୍ୟସ୍ଥ ରଣଜୀ ମ୍ୟାଚ୍। କେରଳ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଦଳ ଆଜି ଷ୍ଟମ୍ପ୍ ଅପସାରଣ ସୁଦ୍ଧା ୪ ୱିକେଟ୍ ହରାଇ ୨୨୩ ରନ୍ କରିଛି। ଭି.ଏ ଜଗଦୀଶ ୫ ରନ୍ କରିଥିବା ବେଳେ ଭବୀନ ଜେ. ଠକ୍କର ୩୮, ରୋହନ ପ୍ରେମ୍ ୪୧ ଓ ସଞ୍ଜୁ ସାମସନ୍ ୧୫ ରନ୍ କରିଛନ୍ତି। ସଚୀନ ବେବି ୫୧ ରନ୍ ଓ ଜାଲାଜ ସକ୍ସେନା ୫୮ ରନ୍ କରି ନଟ୍ ଆଉଟ୍ ଅଛନ୍ତି। ଆସନ୍ତାକାଲି ସେମାନେ ପାଳିକୁ ଆଗେଇ ନେବେ।

ହାଇଦ୍ରାବାଦ ପକ୍ଷରୁ ରବି କିରଣ, ସି.ଭି ମିଳିନ୍ଦ, ମେହଦି ହାସନ ଓ ଆକାଶ ଭଣ୍ଡାରୀ ଗୋଟିଏ ଲେଖାଏଁ ୱିକେଟ୍ ନେଇଛନ୍ତି।

ସେହିପରି କଟକର ଡ୍ରିମ୍ସ ଗ୍ରାଉଣ୍ଡରେ ଆଜିଠାରୁ ସର୍ଭିସେସ୍ ଓ ଗୋଆ ମଧ୍ୟରେ ଅନ୍ୟ ଏକ ରଣଜୀ ମ୍ୟାଚ୍ ଆରମ୍ଭ ହୋଇଛି। ସର୍ଭିସେସ୍ ଟସ୍ ଜିତି ଗୋଆକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା। ଆଜି ଷ୍ଟମ୍ପ୍ ଅପସାରଣ ସୁଦ୍ଧା ଗୋଆ ୨ ୱିକେଟ୍ ହରାଇ ୩୩୩ ରନ୍ କରିଛି। ସୁମିରନ୍ ଅମୋନକର ୧୦୧ ରନ୍ କରିଥିବା ବେଳେ ସଗୁନ କାମତ ୧୭୭ ରନ୍ କରି ନଟ୍‌ଆଉଟ୍ ରହିଛନ୍ତି। ସ୍ନେହାଲ ୩୫ ରନ୍ କରି ଅପରାଜିତ ଅଛନ୍ତି। ଓପନର ସ୍ୱପନିଲ୍ ଅଂଶୋଦକର କୌଣସି ରନ୍ ନ କରି ଆଉଟ୍ ହୋଇଯାଇଥିଲେ।

ସର୍ଭିସେସ୍ ପକ୍ଷରୁ ଦୀୱେଶ ଗୁରୁଦେବ ୨ଟି ୱିକେଟ୍ ନେଇଛନ୍ତି।