ନୂଆଦିଲ୍ଲୀ: ଚଳିତ ସଜିନରେ ରଣଜୀ ଟ୍ରଫିର ସମସ୍ତ ଲିଗ୍ ପର୍ଯ୍ୟାୟ ମ୍ୟାଚ୍ ଶେଷ ହୋଇଛି। ଫଳରେ ଆସନ୍ତା ୨୦ ତାରିଖରୁ କ୍ୱାର୍ଟର ଫାଇନାଲ ମୁକାବିଲା ଅନୁଷ୍ଠିତ ହେବ। ଶେଷ ୮ରେ ଓଡ଼ିଶା ସମେତ ବେଙ୍ଗଲ, ଗୁଜରାଟ, ଗୋଆ, କର୍ଣ୍ଣାଟକା, ଜମ୍ମୁ-କଶ୍ମୀର, ସୌରାଷ୍ଟ୍ର ଓ ଆନ୍ଧ୍ର ପ୍ରଦେଶ ରହିଛନ୍ତି।
ହେଲେ ଦିଲ୍ଲୀ ଓ ମୁମ୍ବାଇ ଭଳି ରାଜ୍ୟ ଏଥର କ୍ୱାର୍ଟର ଫାଇନାଲକୁ ଉନ୍ନୀତ ହୋଇନାହାନ୍ତି। କ୍ୱାର୍ଟର ଫାଇନାଲ ଲାଇନଅପ ଚୂଡ଼ାନ୍ତ ହେବା ପରେ କେଉଁ ଟିମ୍ କାହା ସହ ଖେଳିବ, ତା’ହା ମଧ୍ୟ ସ୍ଥିର ହୋଇଯାଇଛି।
ମ୍ୟାଚ୍ ସୂଚୀ ଅନୁଯାୟୀ-
ଗୁଜରାଟର ମୁକାବିଲା ଗୋଆ ସହ ହେବ। ଏହି ମ୍ୟାଚ୍ଟି ଭାଲସାଦରେ ଅନୁଷ୍ଠିତ ହେବ। ସେହିପରି ଓଡ଼ିଶାର ମୁକାବିଲା ବେଙ୍ଗଲ ସହ ହେବ। ଏହା କଟକର ବାରବାଟୀ ଷ୍ଟାଡିୟମରେ ଖେଳାଯିବ।
କର୍ଣ୍ଣାଟକା ହିଁ କ୍ୱାର୍ଟର ଫାଇନାଲରେ ଜମ୍ମୁ-କଶ୍ମୀରକୁ ଭେଟିବ। ତେବେ ମ୍ୟାଚ୍ କେଉଁଠି ଖେଳାଯିବ, ତାହା ସ୍ଥିର ହୋଇନାହିଁ। ସୌରାଷ୍ଟ୍ର ଓଙ୍ଗୋଲରେ ଆନ୍ଧ୍ର ପ୍ରଦେଶକୁ ଭେଟିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
