ହାଇଦ୍ରାବାଦ: ହାଇଦ୍ରାବାଦ ରାଜୀବ ଗାନ୍ଧି ଅନ୍ତର୍ଜାତୀୟ ଷ୍ଟାଡିୟମରେ ଚାଲିଥିବା ସୌରାଷ୍ଟ୍ର ବିପକ୍ଷ ରଣଜୀ ମ୍ୟାଚ୍ର ତୃତୀୟ ଦିନରେ ଖେଳ ଶେଷ ସୁଦ୍ଧା ଓଡ଼ିଶା ତା’ର ଦ୍ୱିତୀୟ ପାଳିର ୧୬୯ ରନ୍ର ଜବାବରେ ସୌରାଷ୍ଟ୍ର ୫ ୱିକେଟ୍ ହରାଇ ୯୬ ରନ୍ କରିଛି। ସୌରାଷ୍ଟ୍ରର ବ୍ୟାଟ୍ସ ମ୍ୟାନ୍ ସାଗର ଯୋଗିଆନି ୪୨ ଓ ଅରପ୍ରିତ୍ ୧ ରନ୍ କରି ଅପରାଜିତ ଅଛନ୍ତି। ଓଡ଼ିଶା ପକ୍ଷରୁ ସୂର୍ଯ୍ୟକାନ୍ତ ପ୍ରଧାନ ଦୁଇ ଓ ଧୀରଜ ସିଂହ ୨ଟି ୱିକେଟ୍ ନେଇଛନ୍ତି।
ଗତକାଲି ଅସମାପ୍ତି ଇନିଂସ୍ର ବ୍ୟାଟିଂ ଆରମ୍ଭ କରି ଓଡ଼ିଶା ତାର ସମସ୍ତ ୱିକେଟ୍ ହରାଇ ୧୬୯ କରିଥିଲା। ଓଡ଼ିଶା ପକ୍ଷରୁ ଶୁଭ୍ରାଂଶୁ ସେନାପତି ୫୭ ରନ୍ କରିଥିବା ବେଳେ ଅନ୍ୟ କୌଣସି ଖେଳାଳି ସୌରାଷ୍ଟ୍ର ବୋଲରଙ୍କ ଆଗରେ ବେଶି ସମୟ ତିଷ୍ଠି ପାରିନଥିଲେ। ପ୍ରଥମ ଇନିଂଶ୍ରେ ଶତକ କରିଥିବା ଓଡ଼ିଶାର ସନ୍ଦୀପ ପଟ୍ଟନାୟକ ୧୦ ବଲରୁ ୮ ରନ୍, ରଞ୍ଜିତ ସିଂହ ୭୨ ବଲରୁ ୨୫ରନ୍, ଅଧିନାୟକ ଗୋବିନ୍ଦ ପୋଦ୍ଦାର ୨୫ ବଲ୍ରୁ ୧୩ ରନ୍, ଅନୁରାଗ ଷଡଙ୍ଗୀ ୯୮ ବଲ୍ରୁ ୩୨ରନ୍ କରି, ବିପ୍ଳବ ସାମନ୍ତରାୟ ୩୯ ବଲରୁ ୧୧ ରନ୍, ସୌରଭ ରାୱତ ୨୦ ବଲରୁ ୧୨ରନ୍ ଓ ବସନ୍ତ ମହାନ୍ତି ୮ ରନ୍ କରିଥିଲେ। ତେବେ ଦୀପକ ବେହେରା ଓ ଧୀରଜ ସିଂହ ଶୁନ୍ରେ ଆଉଟ୍ ହୋଇଥିଲେ। ସୌରାଷ୍ଟ୍ର ପକ୍ଷରୁ ଦୀପକ ପୁନିଆ ୫ଟି, ଜୟଦେବ ୩ଟି ଓ ଚିରାଗ ଜେନ୍ ୨ଟି ୱିକେଟ ନେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।