ରିଓ ଡି ଜେନେରିଓ: ରିଓ ଅଲିମ୍ପିକ୍ରେ ଟେନିସ୍ର ମିକ୍ସଡ୍ ଡବଲ୍ସର ସେମି ଫାଇନାଲ୍ରେ ହାରି ଯାଇଛନ୍ତି ଭାରତୀୟ ଯୋଡ଼ି ସାନିଆ ମିର୍ଜା ଓ ରୋହନ ବୋପାନ୍ନା। ସେମାନେ ଆମେରିକୀୟ ଯୋଡ଼ି ଭେନସ ୱିଲିୟମ୍ସ ଓ ରାଜୀବ ରାମଙ୍କ ଠାରୁ ୬-୨, ୨-୬ ଓ ୩-୧୦ରେ ହାରି ଯାଇଛନ୍ତି। ଫାଇନାଲ୍ରେ ପହଞ୍ଚି ପାରି ନ ଥିଲେ ମଧ୍ୟ ସାନିଆ ଓ ବୋପାନ୍ନା ଯୋଡ଼ି ଏକ ପଦକ ପାଇବା ଆଶା ଏବେବି ଉଜ୍ଜିବୀତ ରହିଛି। ବ୍ରୋଞ୍ଜ ପଦକ ପାଇଁ ଏହି ଯୋଡ଼ି ଆଉ ଏକ ମ୍ୟାଚ୍ ଖେଳିବାକୁ ସୁଯୋଗ ପାଇବେ।
ଶୁକ୍ରବାର କୋର୍ଟର ଫାଇନାଲ୍ରେ ସାନିଆ ଓ ବୋପାନ୍ନା ଯୋଡ଼ି ବ୍ରିଟେନ୍ର ଆଣ୍ଡି ମୂରେ ଓ ହିଥର ୱାଟସନ୍ଙ୍କୁ ହରାଇ ସେମି ଫାଇନାଲ୍ରେ ପ୍ରବେଶ କରିଥିଲେ।
ଏହା ପୂର୍ବରୁ ସାନିଆ ମହିଳା ଡବଲ୍ସରେ ହାରି ସାରିଥିବା ବେଳେ ବୋପାନ୍ନା ବି ପୁରୁଷ ଡବଲ୍ସରେ ହାରି ଯାଇଥିଲେ।
ଅଲିମ୍ପିକ୍ ଇତିହାସରେ ଭାରତ ଟେନିସ୍ରେ ମାତ୍ର ଗୋଟିଏ ପଦକ ପାଇଛି। ୧୯୯୬ରେ ଆଟଲାଣ୍ଟା ଅଲିମ୍ପିକ୍ରେ ଲିଆଣ୍ଡର ପେସ୍ ପୁରୁଷ ଏକକ ବର୍ଗରେ ବ୍ରୋଞ୍ଜ ପଦକ ଜିତି ଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
