ଦୁବାଇ: ଟିମ୍ ଇଣ୍ଡିଆର ୨୧ ବର୍ଷୀୟ ୱିକେଟ୍ କିପର ବ୍ୟାଟସ୍ମ୍ୟାନ୍ ରିଷଭ ପନ୍ତଙ୍କୁ ଆଇସିସି ୨୦୧୮ ବର୍ଷ ପାଇଁ ଶ୍ରେଷ୍ଠ ଇର୍ମଜିଂ କ୍ରିକେଟର (ଉଦୀୟମାନ ଖେଳାଳି) ବିବେଚନା କରିଛି। ୨୦୧୮ରେ ପନ୍ତ ପ୍ରଥମ ଭାରତୀୟ ୱିକେଟ୍ କିପର ଭାବେ ଇଂଲଣ୍ଡ ବିପକ୍ଷ ଟେଷ୍ଟରେ ଶତକ ହାସଲ କରିଥିଲେ। ସେହିପରି ଡିସେମ୍ବର ମାସରେ ଅଷ୍ଟ୍ରେଲିଆ ବିପକ୍ଷ ଆଡେଲେଡ୍ ଟେଷ୍ଟ୍ରେ ଗୋଟିଏ ମ୍ୟାଚ୍ରେ ସର୍ବାଧିକ ୧୧ଟି କ୍ୟାଚ୍ ନେଇଥିଲେ। ଆଇସିସି ପକ୍ଷରୁ ଏଭଳି ଇର୍ମଜିଂ କ୍ରିକେଟର ବିବେଚିତ ହେବାରେ ପନ୍ତ ହେଉଛନ୍ତି ତୃତୀୟ ଭାରତୀୟ।
ଗତବର୍ଷ ଭାରତ ପାଇଁ ପନ୍ତ ୮ଟି ମ୍ୟାଚ୍ର ୧୪ଟି ଇନିଂସ୍ ଖେଳିଛନ୍ତି। ଏଥିରେ ସେ ଦୁଇଟି ଅର୍ଦ୍ଧଶତକ ଓ ଗୋଟିଏ ଶତକ ସହ ୫୩୭ ରନ୍ କରିଛନ୍ତି। ତାଙ୍କର ସର୍ବାଧିକ ବ୍ୟକ୍ତିଗତ ସ୍କୋର ଥିଲା ୧୧୪। ସେହିପରି ୱିକେଟ୍ ପଛରେ ପନ୍ତ ୪୦ଟି କ୍ୟାଚ୍ ଧରିବା ସହ ୨ଟି ଷ୍ଟମ୍ପିଂ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
