ଚଣ୍ଡିଗଡ: ବ୍ରାଜିଲର ରିଓ ଡି ଜେନେରିଓରୁ ପ୍ରଥମେ ଦିଲ୍ଲୀ ଓ ପରେ ଚଣ୍ଡିଗଡକୁ ଫେରିଛନ୍ତି କୁସ୍ତିରେ ବ୍ରୋଞ୍ଜ ପଦକ ହାତେଇଥିବା ଭାରତୀୟ ମହିଳା କୁସ୍ତିଯୋଦ୍ଧା ସାକ୍ଷୀ ମଲିକ। ସେ ଆଜି ସକାଳୁ ହରିୟାଣାରେ ପହଞ୍ଚିଛନ୍ତି। ତାଙ୍କୁ ବିମାନବନ୍ଦରରେ ସ୍ୱାଗତ କରିବା ପାଇଁ ବିଜେପିର ବହୁ ବରିଷ୍ଠ ନେତା ଉପସ୍ଥିତ ଥିଲେ। ସାକ୍ଷୀଙ୍କ ସମେତ ହରିୟାଣାର କ୍ରୀଡା ଓ ଯୁବ ବ୍ୟାପାର ମନ୍ତ୍ରୀ ଅନୀଲ ଭିଜ୍ ମଧ୍ୟ ସେହି ବିମାନରେ ଫେରିଥିଲେ।
ସାକ୍ଷୀଙ୍କୁ ଏକ ବିରାଟ ଶୋଭାଯାତ୍ରାରେ ଝାଜ୍ଜର ଜିଲ୍ଲାରେ ଥିବା ବାହାଦୂରଗଡକୁ ନିଆଯାଇଥିଲା। ସେଠାରେ ଏକ ଭବ୍ୟ ସମ୍ବର୍ଦ୍ଧନା ଉତ୍ସବ ଆୟୋଜନ କରାଯାଥିଲା। ଏଥିରେ ହରିୟାଣାର ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟରଙ୍କ ସମେତ ବହୁ ବରିଷ୍ଠ ନେତା ଉପସ୍ଥିତ ଥିଲେ। ଏହି ଅବସରରେ ସାକ୍ଷୀଙ୍କୁ ୨.୫କୋଟି ଟଙ୍କାର ପୁରସ୍କାର ପ୍ରଦାନ କରିଥିଲେ ମୁଖ୍ୟମନ୍ତ୍ରୀ।
ଏହାସହ ତାଙ୍କୁ ହରିୟାଣାର ‘ବେଟି ପଢାଓ-ବେଟି ବାଚାଓ’ର ଆମ୍ବାସଡ଼ର ଭାବେ ତାଙ୍କୁ ରାଜ୍ୟ ସରକାର ନିଯୁକ୍ତି ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
