ଭୁବନେଶ୍ୱର:ଏସିଆନ୍ ଆଥଲେଟିକ୍ ଚାମ୍ପିୟନସିପ୍ ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ। ଏହି ଅବସରରେ ଷ୍ଟାଡିୟମ ପରିସରରେ ଦେଖିବାକୁ ମିଳିବ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକଙ୍କ ବାଲୁକା କଳାକୃତି। ଏସିଆନ୍ ଆଥଲେଟିକ ଚାମ୍ପିୟନସିପ ପାଇଁ ଜୋରଦାର ଚାଲିଛି ପ୍ରୟାସ। ବିଏମସି ପକ୍ଷରୁ ଷ୍ଟ୍ରିଟ୍ ଲାଇଟ୍, ପରିମଳ, ଓ୍ୱାଲ୍ ପେଣ୍ଟିଂ କାମ ଶେଷ ହୋଇଛି। ଅନ୍ୟପଟେ ଷ୍ଟାଡ଼ିୟମ ଭିତରେ ଲୋକେ ଅନୁଭବ କରିବେ ପୁରୀ ବେଳାଭୂମିର ପରିବେଶ। ୪୫ଟି ଦେଶର ଆଥଲେଟଙ୍କ ଦୃଷ୍ଟି ଆକର୍ଷଣ କରିବ ଏହି କଳାକୃତ୍ତି। ବାଲିରେ ବିଶ୍ୱର ବଡ ବଡ ଆଥଲେଟ୍ଙ୍କ ପ୍ରତିମୂର୍ତ୍ତି ନିର୍ମାଣ କରାଯିବ। ୯ ଟନ୍ ବାଲିରେ ଆନ୍ତର୍ଜାତିକ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ତିଆରି କରିବେ ଏସବୁ କଳାକୃତି । ଏଥିରେ ଓଡ଼ିଶାର ସଂସ୍କୃତି, ଐତିହ୍ୟ ଓ ପରମ୍ପରାର ଝଲକ ବି ରହିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।