ମାଉଣ୍ଟ ମାଙ୍ଗାନୁଇ: ନ୍ୟୁଜିଲ୍ୟାଣ୍ଡ ବିପକ୍ଷ ତୃତୀୟ ଦିନିକିଆକୁ ଭାରତ ୭ ୱିକେଟ୍ରେ ଜିତି ଦୀର୍ଘ ୫ଟିକିଆ ସିରିଜ୍କୁ ୩-୦ରେ ଆଗୁଆ ଦଖଲ କରି ନେଇଛି। ଏହି ମ୍ୟାଚ୍ରେ ୪୧ ରନ୍ ଦେଇ ୩ଟି ୱିକେଟ୍ ନେଇଥିବା ଦ୍ରୁତ ବୋଲର ମହମ୍ମଦ ଶାମିଙ୍କୁ ମ୍ୟାନ୍ ଅଫ୍ ଦି ପୁରସ୍କାର ମିଳିଥିଲା। ତେବେ ଶାମି ଠିକ୍ ଭାବେ ଇଂରାଜୀ କହି ପାରୁ ନଥିବାରୁ ତାଙ୍କ କଥାକୁ ଟ୍ରାନ୍ସଲେଟ୍ କରିବା ପାଇଁ ବିରାଟ୍କୁ ଡକା ଯାଇଥିଲା।
ମ୍ୟାନ୍ ଅଫ୍ ଦି ପୁରସ୍କାର ଦେଉଥିବା ସାଇମନ୍ ଡୁଲ ପ୍ରଥମେ ଶାମିଙ୍କୁ ନିଜର ପ୍ରଦର୍ଶନ ସମ୍ପର୍କରେ ଇଂରାଜୀରେ ପ୍ରଶ୍ନ କରିଥିଲେ। ତେବେ ଏହାର ଉତ୍ତର ସେ ହିନ୍ଦୀରେ ଦେବେ ବୋଲି ସମସ୍ତେ ଭାବିଥିଲେ।
କିନ୍ତୁ ଶାମି ବେଶ ଭଲ ଭାବେ ଇଂରାଜୀରେ ଏହାର ଉତ୍ତର ଦେଇଥିଲେ। ଏହା ଶୁଣି ସାଇମନ୍ ଡୁଲ ଆଶ୍ଚର୍ଯ୍ୟ ହେବା ସହ “ୟୋର ଇଂଲିଶ ବହତ ଆଚ୍ଛା ହେ” ବୋଲି କହିଥିଲେ। ଏହି ସମୟରେ ଉଭୟ ବିରାଟ୍ ଏବଂଶାମି ହସିବା ଆରମ୍ଭ କରିଦେଇଥିଲେ।
ଦେଖନ୍ତୁ ଭିଡିଓ
https://twitter.com/i/status/1089818119466450945
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।