ଫୁଝୋଉ: ରିଓ ଅଲିମ୍ପିକ ସିଲଭର ମେଡାଲିଷ୍ଟ ପିଭି ସିନ୍ଧୁ ଚାଇନା ସୁପର ସିରିଜ ପ୍ରିମିୟର ବ୍ୟାଡମିଣ୍ଟନ ଚାମ୍ପିଅନ ହୋଇଛନ୍ତି। ଆଜି ଖେଳାଯାଇଥିବା ଫାଇନାଲରେ ସିନ୍ଧୁ ଚାଇନାର ସନ୍ ୟୁଙ୍କୁ ୨୧-୧୧, ୧୭-୨୧ ଓ ୨୧-୧୧ ସେଟ୍ରେ ପରାସ୍ତ କରି ଚାମ୍ପିଅନ ହୋଇଛନ୍ତି।
୨୧ ବର୍ଷିୟ ସିନ୍ଧୁ ଏହି ଟାଇଟଲ ଜିତିବାକୁ ଏକ ଘଣ୍ଟା ୯ ମିନିଟ୍ ସମୟ ନେଇଥିଲେ। ପ୍ରଥମ ସେଟ୍କୁ ସିନ୍ଧୁ ୨୧-୧୧ରେ ଜିତିଥିବା ବେଳେ ସୁନ୍ ୟୁ ଦମ୍ଦାର ପ୍ରଦର୍ଶନ କରି ଦ୍ୱିତୀୟ ସେଟ୍ ୨୧-୧୭ରେ ଜିତି ନେଇଥିଲେ। ତେବେ ନିର୍ଣ୍ଣାୟକ ତଥା ତୃତୀୟ ସେଟ୍କୁ ସିନ୍ଧୁ ୨୧-୧୧ରେ ଜିତି ଟାଇଟଲ ହାସଲ କରିଥିଲେ।
ଏହାକୁ ମିଶାଇ ସିନ୍ଧୁ ସନ୍ଙ୍କ ବିରୋଧରେ ୬ଟି ମ୍ୟାଚ୍ ଖେଳି ୩ଟିରେ ବିଜୟୀ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।