ମେଲବର୍ଣ୍ଣ: ଆସନ୍ତା ଅକ୍ଟୋବର-ନଭେମ୍ବର ମାସରେ ଅନୁଷ୍ଠିତ ହେବାକୁ ଥିବା ଟି-୨୦ ବିଶ୍ୱକପ ଉପରେ କରୋନାର କଳା ବାଦଲ ଅଧିକ ଘନେଇବାରେ ଲାଗିଛି। ଧୀରେଧୀରେ କରୋନା ପାଇଁ ବିଶ୍ୱକପ ଅନୁଷ୍ଠିତ ହୋଇପାରିବ ନାହିଁ ବୋଲି ଆଶଙ୍କା ସୃଷ୍ଟି ହେଉଛି।
ଏସବୁ ଭିତରେ ବିଶ୍ୱକପ ଆୟୋଜନ କରୁଥିବା ଅଷ୍ଟ୍ରେଲିଆର କ୍ରିକେଟ ମୁଖ୍ୟ ବଡ଼ ବୟାନ ଦେଇଛନ୍ତି। କ୍ରିକେଟ ଅଷ୍ଟ୍ରେଲିଆର ଅଧ୍ୟକ୍ଷ ଇରଲ ଇଡିଙ୍ଗସ କହିଛନ୍ତି, ବର୍ତ୍ତମାନ ସ୍ଥିତିରେ ଚଳିତ ବର୍ଷ ଯେ ଟି-୨୦ ବିଶ୍ୱକପ ଧାର୍ଯ୍ୟ ସୂଚୀ ଅନୁସାରେ ହୋଇପାରିବ, ତାହା ଆକଳନ କରିବା ବେଶ କଷ୍ଟକର।
କରୋନା ମହାମାରୀ ଭିତରେ ୧୬ଟି ଟିମର ସଦସ୍ୟଙ୍କୁ ଆଣିବା ଏକ ଅବାସ୍ତବ କଳ୍ପନା ଭଳି ଲାଗୁଛି। ଚଳିତ ବର୍ଷ ବଶ୍ୱକପ ନ ହେବା ଭଳି ଲାଗୁଛି। ପ୍ରାୟ ଅଧିକାଂଶ ଦେଶ କରୋନା ସହ ଲଢ଼େଇ କରୁଥିବା ବେଳେ ୧୬ ଟିମକୁ ଅଷ୍ଟ୍ରେଲିଆ ଆଣି ମ୍ୟାଚ୍ ଖେଳାଇବା କଷ୍ଟକର। ଏହା କଷ୍ଟଦାୟକ ଓ ଅବସ୍ତାବ। କରୋନା ଯୋଗୁ କ୍ରିକେଟ ସହ ସବୁ କ୍ଷେତ୍ର ପ୍ରଭାବିତ ହୋଇଛି। ତେଣୁ ଭବିଷ୍ୟତ କଥା ଚିନ୍ତା କରି ଆମକୁ କଠୋର ନିଷ୍ପତ୍ତି ନେବାକୁ ପଡ଼ିବ ବୋଲି ସେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।