ଆରସିବିର ପ୍ରଦର୍ଶନକୁ ନେଇ ମାଲ୍ୟା ଖପ୍ପା

ଲଣ୍ଡନ୍‌: ଆଇପିଏଲ୍‌ର ୧୨ତମ ସଂସ୍କରଣରେ ବିରାଟ୍‌ କୋହଲିଙ୍କ ନେତୃତ୍ୱାଧୀନ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ(ଆରସିବି) ପଏଣ୍ଟ ଟେବୁଲର ଶେଷ ସ୍ଥାନରେ ରହି ଅଭିଯାନ ଶେଷ କରିଛି। ତେବେ ଆରସିବିର ଏଭଳି ପ୍ରଦର୍ଶନକୁ ନେଇ ଦଳର ପୂର୍ବତନ ମାଲିକ ତଥା ପଳାତକ ଘୋଷିତ ମଦ ବ୍ୟବସାୟୀ ବିଜୟ ମାଲ୍ୟା ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ସେ ଟ୍ୱିଟ କରି କହିଛନ୍ତି ଯେ “ଆରସିବି ଲାଇନ୍‌ ଅପ୍‌ ସବୁଠାରୁ ବଡ଼। କିନ୍ତୁ ଦୁର୍ଭାଗ୍ୟବଶତଃ ଏହା କେବଳ କାଗଜକଲମରେ ସୀମିତ। ଏହା ନିଶ୍ଚିତ ପକ୍ଷେ ଭୟଙ୍କର ଏବଂ ଲଜ୍ଜାଜନକ।”

ଆରସିବି ଲାଇନ୍‌ ଅପ୍‌ରେ ବିରାଟ୍‌ କୋହଲି, ଏବି ଡିଭିଲିୟର୍ସ, ମାର୍କସ୍‌ ଷ୍ଟୋଇନିସ୍‌, ଶିମରନ୍‌ ହେଟମେୟର ଓ ଟିମ୍‌ ସାଉଦିଙ୍କ ଭଳି ଖେଳାଳି ରହିଥିଲେ। ହେଲେ ଦଳ କ୍ଷମତା ଅନୁସାରେ ଆଦୌ ଭଲ ପ୍ରଦର୍ଶନ କରିପାରି ନାହିଁ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।