ଜୟପୁର: ବିଶ୍ୱକପରେ ଆହତ ହୋଇଥିବା ଅଲରାଉଣ୍ଡ ବିଜୟ ଶଙ୍କର ବିଜୟ ହଜାରେ ଟ୍ରଫିରେ ଜବରଦସ୍ତ କମବ୍ୟାକ୍ କରିଛନ୍ତି। ବିଜୟ ଶଙ୍କରଙ୍କ ୮୮ ବଲରେ ୯୧ ରନ୍ର ଅପରାଜିତ ଇନିଂସ୍ ବଳରେ ତାମିଲନାଡୁ ପ୍ରତିପକ୍ଷ ବିହାରକୁ ୭ ୱିକେଟ୍ରେ ପରାସ୍ତ କରିଛି। ବିହାର ପ୍ରଥମେ ବ୍ୟାଟିଂ କରି ୭ ୱିକେଟ୍ ହରାଇ ୨୧୭ ରନ୍ କରିଥିଲା। ଏହାର ଜବାବରେ ତାମିଲନାଡୁ ୪୬.୫ ଓଭର୍ରେ ୩ ୱିକେଟ୍ ହରାଇ ବିଜୟ ଲକ୍ଷ୍ୟକୁ ହାସଲ କରିନେଇଛି।
ବିଶ୍ୱକପରେ ଆହତ ଯୋଗୁ ବିଜୟ ଶଙ୍କର ଅଧାରୁ ସ୍ୱଦେଶ ଫେରିଥିଲେ। ଏହାପରେ ସେ ଭାରତ ‘ଏ’ ଓ ଦକ୍ଷିଣ ଆଫ୍ରିକା ‘ଏ’ ମଧ୍ୟରେ ଅନୁଷ୍ଠିତ ଟେଷ୍ଟ ଏବଂ ଦିନିକିଆ ସିରିଜ୍ ଖେଳି ନଥିଲେ। ତେବେ ଆଜିର ମ୍ୟାଚରେ ବିଜୟ ଶଙ୍କର ୬ ଓଭର ବୋଲିଂ କରି ୧୭ ରନ୍ ବ୍ୟୟ କରିବା ସହ ଗୋଟିଏ ୱିକେଟ ଦଖଲ କରିଛନ୍ତି। ବ୍ୟାଟିଂ ବେଳେ ସେ ୪ଟି ଚୌକା ଓ ଗୋଟିଏ ଛକା ସହାୟତାରେ ୯୧ ରନର ଅପରାଜିତ ଇନିଂସ ଖେଳିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।