ସଚିନ୍‌, ଡ୍ରାଭିଡ୍‌ ଓ ଲକ୍ଷ୍ମଣଙ୍କ ରନ୍‌ କ୍ଲବରେ ବିରାଟ୍‌

ଏଡିଲେଡ୍‌: ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟ୍‌ର ଦ୍ୱିତୀୟ ଇନିଂସ୍‌ରେ ଟିମ୍‌ ଇଣ୍ଡିଆର ଅଧିନାୟକ ବିରାଟ୍‌ କୋହଲି ୩୪ ରନ୍‌ର ଇନିଂସ୍‌ ଖେଳିଛନ୍ତି। ତେବେ ଏହି ଇନିଂସ୍‌ ବଳରେ ବିରାଟ୍‌ ଏକ ବିରଳ ରେକର୍ଡ ସୃଷ୍ଟି କରିଛନ୍ତି। ସେ ୪ର୍ଥ ଭାରତୀୟ ଭାବେ ଅଷ୍ଟ୍ରେଲିଆ ମାଟିରେ ୧ ହଜାର ରନ୍‌ ପୂରଣ କରିବାର ରେକର୍ଡ କରିଛନ୍ତି। ଆଜି ବିରାଟ୍‌ ୫ ରନ୍‌ କରିବା କ୍ଷଣି ଏହି ରେକର୍ଡ କ୍ଲବରେ ସାମିଲ ହୋଇଥିଲେ। ପୂର୍ବରୁ ଅଷ୍ଟ୍ରେଲିଆ ମାଟିରେ କିମ୍ବଦନ୍ତୀ ବ୍ୟାଟସ୍‌ମ୍ୟାନ୍‌ […]

v

v

Hemant Lenka
  • Published: Saturday, 08 December 2018
  • Updated: 08 December 2018, 03:51 PM IST

ଏଡିଲେଡ୍‌: ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟ୍‌ର ଦ୍ୱିତୀୟ ଇନିଂସ୍‌ରେ ଟିମ୍‌ ଇଣ୍ଡିଆର ଅଧିନାୟକ ବିରାଟ୍‌ କୋହଲି ୩୪ ରନ୍‌ର ଇନିଂସ୍‌ ଖେଳିଛନ୍ତି। ତେବେ ଏହି ଇନିଂସ୍‌ ବଳରେ ବିରାଟ୍‌ ଏକ ବିରଳ ରେକର୍ଡ ସୃଷ୍ଟି କରିଛନ୍ତି। ସେ ୪ର୍ଥ ଭାରତୀୟ ଭାବେ ଅଷ୍ଟ୍ରେଲିଆ ମାଟିରେ ୧ ହଜାର ରନ୍‌ ପୂରଣ କରିବାର ରେକର୍ଡ କରିଛନ୍ତି। ଆଜି ବିରାଟ୍‌ ୫ ରନ୍‌ କରିବା କ୍ଷଣି ଏହି ରେକର୍ଡ କ୍ଲବରେ ସାମିଲ ହୋଇଥିଲେ।

ପୂର୍ବରୁ ଅଷ୍ଟ୍ରେଲିଆ ମାଟିରେ କିମ୍ବଦନ୍ତୀ ବ୍ୟାଟସ୍‌ମ୍ୟାନ୍‌ ସଚିନ ତେନ୍ଦୁଲକର, ରାହୁଲ ଡ୍ରାଭିଡ୍‌ ଓ ଭିଭିଏସ୍‌ ଲକ୍ଷ୍ମଣ ଏକ ହଜାର ରନ୍‌ ହାସଲ କରିଥିଲେ। ତେଣୁ ବିରାଟ୍‌ ଏହି ତାଲିକାରେ ନିଜକୁ ସାମିଲ କରିପାରିଛନ୍ତି। ବିରାଟ୍‌ ୯ଟି ଟେଷ୍ଟ୍‌ରେ ଏହି କୀର୍ତ୍ତିମାନ ସ୍ଥାପନ କରିଥିଲେ।

ସଚିନ୍‌ ୨୦ଟି ଟେଷ୍ଟ୍‌ରେ ୧୮୦୯ ରନ୍‌ କରିଥିବା ବେଳେ ଭିଭିଏସ୍‌ ୧୫ଟି ଟେଷ୍ଟ୍‌ରେ ୧୨୩୬ ରନ୍‌ ଓ ଡ୍ରାଭିଡ୍‌ ୧୫ଟି ଟେଷ୍ଟ୍‌ରେ ୧୧୪୩ ରନ୍‌ କରିଛନ୍ତି।

ଅନ୍ୟପକ୍ଷରେ ବୀରେନ୍ଦ୍ର ସେହ୍ୱାଗ ଅଷ୍ଟ୍ରେଲିଆରେ ୧୦୦୦ ରନ୍‌ କରିଛନ୍ତି। କିନ୍ତୁ ଏଥିମଧ୍ୟରେ ସେ ଆଇସିସି ୱାର୍ଲଡ ଏକାଦଶ ପକ୍ଷରୁ କରିଥିବା ୮୩ ରନ୍‌ ସାମିଲ ହୋଇଥିବାରୁ ଏବଂ ଏହା ଏକ ଅନୌପଚାରିକ ଅନ୍ତର୍ଜାତୀୟ ମ୍ୟାଚ ହୋଇଥିବାରୁ ଏହି ବିରଳ କ୍ଲବରେ ଅନ୍ତର୍ଭୁକ୍ତ ହୋଇପାରି ନାହାନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos