ଲକ୍ଷ୍ନୌ: ପ୍ରଥମ ଦିନିକିଆ ଭଳି ଦ୍ୱିତୀୟ ଦିନିକିଆରେ ମଧ୍ୟ ୱେଷ୍ଟଇଣ୍ଡିଜ୍ ଠାରୁ ହାରିଛି ଆଫଗାନିସ୍ତାନ। ଉତ୍ତର ପ୍ରଦେଶର ଲକ୍ଷ୍ନୌରେ ଖେଳାଯାଉଥିବା ମ୍ୟାଚ୍ରେ ୱେଷ୍ଟଇଣ୍ଡିଜ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୯ ୱିକେଟ ହରାଇ ୨୪୭ ରନ୍ କରିଥିଲା। ଏହାର ଜବାବରେ ଆଫଗାନିସ୍ତାନ ୪୫.୪ ଓଭରରେ ୨୦୦ ରନ୍ କରି ଅଲଆଉଟ୍ ହୋଇଯାଇଥିଲା।
ଫଳରେ ୱେଷ୍ଟଇଣ୍ଡିଜ୍ ଏହି ମ୍ୟାଚ୍କୁ ୪୭ ରନ୍ରେ ଜିତି ସିରିଜ୍ ୨-୦ରେ ଆଗୁଆ ଜିତି ନେଇଛି। ପ୍ରଥେମ ବ୍ୟାଟିଂ କରିଥିବା ଇଣ୍ଡିଜ ଶାଇ ହୋପ ୪୩, ଇଭିନ୍ ଲ୍ୟୁସ ୫୪, ଶିମରନ ହେଟମେୟର ୩୪ ଓ ଶେଷ ଭାଗରେ ନିକୋଲାସ ପୋରାନ ୬୭ ରନ୍ କରିବାରୁ ୫୦ ଓଭରରେ ୯ ୱିକେଟ ହରାଇ ୨୪୭ ରନ୍ କରିଥିଲା। ୨୪୮ ରନ୍ର ଟାର୍ଗେଟ ପିଛା କରୁଥିବା ଆଫଗାନିସ୍ତାନ ଆରମ୍ଭରୁ ଜାଭେଦ ଅହମାଦିଙ୍କୁ ହରାଇଥିଲା।
ଏହାପରେ ହଜରତୁଲ୍ଲା ଜଜାଇ ୨୩ ଓ ରହମତ ଶାହ ୩୩ ରନ୍ କରି ସ୍ଥିତି ସମ୍ଭାଳିଥିଲେ। ନଜବୁଲ୍ଲା ଜର୍ଦ୍ଦାନ ୫୬ ଓ ମହମ୍ମଦ ନାବି ୩୨ ଲଢ଼େଇ କରିଥିଲେ। ହେଲେ ଏହି ଦୁଇ ବ୍ୟାଟସମ୍ୟାନ ଆଉଟ୍ ହେବା ପରେ ଆଫଗାନିସ୍ତାନ ୨୦୦ ରନ୍ କରି ଅଲଆଉଟ୍ ହୋଇଯାଇଥିଲା। ଇଣ୍ଡିଜ ପକ୍ଷରୁ ଶେଲଡନ, ରୋଷ୍ଟନ ଚେଜ ଓ ହାୟଡନ ୱାଲେସ ୩ଟି ଲେଖାଏ ୱିକେଟ୍ ନେଇଥିବା ବେଳେ ଗୋଟିଏ ୱିକେଟ ରନ୍ ଆଉଟ ମିଳିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।