୧୨ ବଲରେ ୫୦ ରନ୍, ଯୁବରାଜଙ୍କ ରେକର୍ଡର ସମକକ୍ଷ ହେଲେ ଗେଲ୍

ମେଲବୋଣ୍ଣ: ବିଗ୍ ବାସ୍ ଲିଗରେ ଗେଲ୍ ଝଡ଼। ଆଲିଲେଡ୍ ଷ୍ଟ୍ରାଇକର ବିପକ୍ଷରେ ମେଲବୋର୍ଣ୍ଣ ରିନେଗଡ୍ସ ପକ୍ଷରୁ ଖେଳୁଥିବା ୱେଷ୍ଟଇଣ୍ଡିଜର ବିସ୍ଫୋରକ ବ୍ୟାଟ୍ସମ୍ୟାନ କ୍ରିସ୍ ଗେଲ୍ ୧୨ଟି ବଲରୁ ଦ୍ରୁତତମ ୫୦ ରନ ସଂଗ୍ରହ କରି ଭାରତର ବିସ୍ଫୋରକ ବ୍ୟାଟ୍ସମ୍ୟାନ ଯୁବରାଜ ସିଂହଙ୍କ ବିଶ୍ୱ ରେକର୍ଡ ସହ ସମକକ୍ଷ ହୋଇଛନ୍ତି। ୨୦୦୭ ଟି-ଟ୍ୱେଣ୍ଟି ବିଶ୍ୱକପରେ ଯୁବରାଜ ସଂହ ୧୨ଟି ବଲରୁ ୫୦ ରନ ସଂଗ୍ରହ କରି ରେକର୍ଡ ସ୍ଥାପନ କରିଥିଲେ। ଗେଲ୍ ଆଲିଲେଡ୍ ବିପକ୍ଷ ମ୍ୟାଚରେ ମୋଟ ୧୭ ବଲରୁ ମୋଟ ୫୬ ରନ କରିଥିଲେ। ଏଥିରେ ରହିଛି ୭ଟି ଛକା ଓ ୨ଟି ଚୌକା। ତାଙ୍କର ଷ୍ଟ୍ରାଇକ୍ ରେଟ୍ ୩୨୯.୪୧ ରହିଛି।