ନୂଆଦିଲ୍ଲୀ: ଦୀର୍ଘ ୨୮ ବର୍ଷ ପରେ ୨୦୧୧ ମସିହା ଏପ୍ରିଲ ୨ରେ ଭାରତୀୟ ଟିମ୍ ଦିନିକିଆ ବିଶ୍ୱକପ ଜିତିଥିଲା। ପ୍ରଖ୍ୟାତ ୱାଙ୍ଖଡେ ଷ୍ଟାଡିୟମରେ ମହେନ୍ଦ୍ର ସିଂହ ଧୋନି ଛକା ମାରିବା ସହ କମେଣ୍ଟ୍ରି ବକ୍ସରେ ଥିବା ରବି ଶସ୍ତ୍ରୀଙ୍କ ଜୋସ ଭରା କଥା ଆଜି ବି ପ୍ରତିଟି ଭାରତୀୟଙ୍କ ମନରେ ରହିଛି।
ଗତକାଲି ଏହି ବିଶ୍ୱକପ ଜିତିବାକୁ ୯ ବର୍ଷ ପୂରିଥିଲା। ଏଥିପାଇଁ ଟିମ୍ ଇଣ୍ଡିଆକୁ ସବୁଆଡ଼ୁ ଶୁଭେଚ୍ଛାର ସୁଅ ଛୁଟିଥିଲା। ଏହିକ୍ରମରେ ରବି ଶାସ୍ତ୍ରୀ ମଧ୍ୟ ଟ୍ୱିଟ ଯୋଗେ ୱିନିଂ ମୋମେଣ୍ଟର ଭିଡିଓ ଶେୟାର କରିଥିଲେ। ଏହାକୁ ସେ ସଚିନ ତେନ୍ଦୁଲକର ଓ ବିରାଟ କୋହଲିଙ୍କୁ ଟ୍ୟାଗ ମଧ୍ୟ କରିଛନ୍ତି।
ସେ ଲେଖିଛନ୍ତି, ବହୁତ ବହୁତ ଶୁଭେଚ୍ଛା। ତୁମେ ଏମିତି କିଛି କରିଛ, ଯାହା ସାରା ଜୀବନ ମନେ ରହିବ। ଯେମିତି ଆମେ ୧୯୮୩ ମସିହାରେ କରିଥିଲୁ।”
Many Congratulations Guys! Something you will cherish all your life. Just like we from the 1983 group #WorldCup2011 - @sachin_rt @imVkohli pic.twitter.com/1CjZMJPHZh
— Ravi Shastri (@RaviShastriOfc) April 2, 2020
ତେବେ ଶାସ୍ତ୍ରୀଙ୍କ ଏହି ଟ୍ୱିଟ ପରେ ତାଙ୍କୁ ଯୁବରାଜ ସିଂହ କଟାକ୍ଷ କରିଛନ୍ତି। ଶାସ୍ତ୍ରୀ ଶେୟାର କରିଥିବା ଭିଡିଓରେ ଯୁବରାଜ ସିଂହ ମଧ୍ୟ ରହିଛନ୍ତି। କାରଣ ଧୋନି ଛକା ମାରି ମ୍ୟାଚ ଶେଷ କରିବା ବେଳେ ନନଷ୍ଟ୍ରାଇକରେ ଯୁବରାଜ ସିଂହ ହିଁ ରହିଥିଲେ। ତେଣୁ ଶାସ୍ତ୍ରୀ ଭିଡିଓଟିକୁ ତାଙ୍କୁ କିମ୍ବା ଧୋନିଙ୍କୁ ଟ୍ୟାଗ କରି ନଥିବାରୁ ଏହାକୁ ଯୁବରାଜ କଟାକ୍ଷ କରିଛନ୍ତି। ସେ କହିଛନ୍ତି, “ଧନ୍ୟବାଦ ସିନିୟର। ଆପଣ ଚାହିଁଥିଲେ ମୋତେ ଓ ମାହିଙ୍କୁ ଟ୍ୟାଗ କରିପାରି ଥାଆନ୍ତେ। କାରଣ ଆମେ ବି ଏହି ଭିଡିଓରେ ରହିଛୁ।”
୨୦୧୧ ବିଶ୍ୱକପରେ ଯୁବରାଜ ସିଂହ ମ୍ୟାନ ଅଫ ଦି ସିରିଜ୍ ପାଇଥିଲେ। ସେ ଟୁର୍ଣ୍ଣାମେଣ୍ଟର ୯ଟି ମ୍ୟାଚ୍ରେ ୩୬୨ ରନ କରିବା ସହ ୧୫ଟି ୱିକେଟ ନେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
