ପଞ୍ଜାବ ଅନ୍ତର୍ଗତ ତରନ ତାରନ ଜିଲ୍ଲାର ମୂଳ ବାସିନ୍ଦା ଲଖବୀର ଗତ କିଛି ବର୍ଷ ହେବ ଯାଇ କାନାଡାରେ ରହୁଛନ୍ତି। ଭାରତ ବିରୋଧରେ ଚାଲିଥିବା ଷଡ଼ଯନ୍ତ୍ରରେ ସେ ସମ୍ପୃକ୍ତ ଥିବା କଥା ଜଣାପଡ଼ିଛି। କେବଳ ସେତିକି ନୁହେଁ ୨୦୨୧ରେ ମହୋଲି ପଞ୍ଜବାର ପୁଲିସ ହେଡ୍ କ୍ୱାଟର ଉପରେ ହୋଇଥିବା ରେକଟ ଆକ୍ରମଣରେ ମଧ୍ୟ ଲଖବୀର ସାମିଲ ଥିଲା।
୧୯୮୯ରେ ପଞ୍ଜାବର ତାରନ ତାରାନ ଜିଲ୍ଲାରେ ଜନ୍ମ ହୋଇଥିବା ଲାଣ୍ଡା ୨୦୧୭ରେ କାନାଡାକୁ ଫେରାର ହୋଇଯାଇଥିଲା। ଗୃହ ମନ୍ତ୍ରଣାଳୟ ତାକୁ କୁଖ୍ୟାତ ଖାଲିସ୍ତାନୀ ଗୋଷ୍ଠୀର ବାବର ଖାଲସା ଇଣ୍ଟରନ୍ୟାସନାଲ (ବି.କେ.ଆଇ) ର ସଦସ୍ୟ ବୋଲି ଚିହ୍ନଟ କରିଛି। କୁହାଯାଉଛି ଯେ, ହରିନ୍ଦର ସିଂହ ଓରଫ ରିଣ୍ଡା ସହ ଲଣ୍ଡାଙ୍କର ଘନିଷ୍ଠ ସମ୍ପର୍କ ରହିଛି। ରିଣ୍ଡା ହେଉଛି ପାକିସ୍ତାନରେ ରହୁଥିବା ଜଣେ କୁଖ୍ୟାତ ଗ୍ୟାଙ୍ଗଷ୍ଟର। ଯିଏ ବି.କେ.ଆଇ ସହ ହାତ ମିଳାଇଛି। ରିଣ୍ଡାଙ୍କ ପାଖେ ପାଖେ ରହି ଲାଣ୍ଡା କେତେଗୁଡ଼ିଏ ଆତଙ୍କବାଦ ଘଟଣା ସଂରଚନାରେ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଛି।
ଭାରତରେ ଲାଣ୍ଡା ଅନେକ ବଡ଼ ଆକ୍ରମଣ କରିଛି। ଗୃହ ମନ୍ତ୍ରଣାଳୟ ଅନୁଯାୟୀ, ଲାଣ୍ଡା କେବଳ ମୋହାଲିରେ ହୋଇଥିବା ରକେଟ ଆକ୍ରମଣ ପାଇଁ ଦାୟୀ ନୁହେଁ ବରଂ ସୀମା ଆରପଟୁ ଆତଙ୍କବାଦୀ କାର୍ଯ୍ୟକଳାପରେ ନିୟୋଜିତ ବିଭିନ୍ନ ମଡ୍ୟୁଲକୁ ଆଇଇଡି, ଅସ୍ତ୍ରଶସ୍ତ୍ର, ଅତ୍ୟାଧୁନିକ ଅସ୍ତ୍ରଶସ୍ତ୍ର ଏବଂ ବିସ୍ଫୋରକ ସାମଗ୍ରୀ ଯୋଗାଣରେ ମଧ୍ୟ ସାମିଲ ଥିଲା।
UAPA ଅଧୀନରେ ଏହାକୁ ଏକ 'ବେଆଇନ ସଙ୍ଗଠନ' ଭାବରେ ଘୋଷଣା କରାଯାଇଛି। ଏହି ସଙ୍ଗଠନ ଏବଂ ଏହାର ସଦସ୍ୟମାନେ ଜମ୍ମୁ କଶ୍ମୀରରେ ଆତଙ୍କବାଦୀ କାର୍ଯ୍ୟକଳାପରେ ଜଡିତ ହେବା ସହିତ ଜମ୍ମୁ-କଶ୍ମୀରରେ ଆତଙ୍କବାଦୀ ଗୋଷ୍ଠୀକୁ ସମର୍ଥନ କରୁଥିବା ଅଭିଯୋଗ ହୋଇଛି। ତେଣୁ ଏହି ଗୋଷ୍ଠୀକୁ ସମ୍ପୂର୍ଣ୍ଣ ବ୍ୟାନ୍ କରାଯାଇଛି। ଆଗାମୀ ୫ ବର୍ଷ ପାଇଁ ଏହି ଦଳକୁ ବ୍ୟାନ୍ କରାଯାଇଥିବା ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଟ୍ୱିଟ କରି ଜଣାଇଛନ୍ତି।
ସେ ତାଙ୍କ ପୋଷ୍ଟରେ ଲେଖିଛନ୍ତି, ଏହି ସଂଗଠନ ଏବଂ ଏହାର ସଦସ୍ୟମାନେ ଉପତ୍ୟକାରେ ଜାତୀୟ ବିରୋଧୀ ତଥା ବିଚ୍ଛିନ୍ନତାବାଦୀ କାର୍ଯ୍ୟକଳାପରେ ଜଡିତ ଅଛନ୍ତି। ସେମାନେ ଆତଙ୍କବାଦୀ କାର୍ଯ୍ୟକଳାପକୁ ମଧ୍ୟ ସମର୍ଥନ କରନ୍ତି ଏବଂ ଜମ୍ମୁ-କଶ୍ମୀରରେ ଇସଲାମିକ ଶାସନ ପ୍ରତିଷ୍ଠା କରିବାକୁ ଲୋକଙ୍କୁ ପ୍ରୋତ୍ସାହିତ କରୁଛନ୍ତି। ନିର୍ଦ୍ଦେଶ ଏବଂ ବାର୍ତ୍ତା ଅଛି ଯେ ଦେଶର ଏକତା, ସାର୍ବଭୌମତ୍ୱ ଏବଂ ଅଖଣ୍ଡତା ବିରୁଦ୍ଧରେ କାର୍ଯ୍ୟ କରୁଥିବା କୌଣସି ବ୍ୟକ୍ତି ଏଥିରୁ ରକ୍ଷା ପାଇବେ ନାହିଁ। ଆଇନ ଅନୁଯାୟୀ ଏଭଳି ଲୋକଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
The ‘Muslim League Jammu Kashmir (Masarat Alam faction)’/MLJK-MA is declared as an 'Unlawful Association' under UAPA.
— Amit Shah (@AmitShah) December 27, 2023
This organization and its members are involved in anti-national and secessionist activities in J&K supporting terrorist activities and inciting people to…
ଆସନ୍ତା ବର୍ଷ ଅର୍ଥାତ ୨୦୨୪ରେ ଜମ୍ମୁ-କଶ୍ମୀରରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏହି ପରିପ୍ରେକ୍ଷୀରେ ପ୍ରସ୍ତୁତି ଆରମ୍ଭ ହୋଇଛି। ନିର୍ବାଚନ କମିଶନଙ୍କ ଦ୍ୱାରା ପ୍ରସ୍ତୁତି ଶେଷ ହେବା ପରେ ଖୁବ ଶୀଘ୍ର ନିର୍ବାଚନ ତାରିଖ ମଧ୍ୟ ଘୋଷଣା କରାଯାଇପାରେ। ଜମ୍ମୁ-କଶ୍ମୀରରୁ କାର୍ଯ୍ୟ କରୁଥିବା ରାଜନୈତିକ ଦଳ ଏହି ସଂଗଠନ ସହ ମିଶି ଜାତୀୟ ବିରୋଧୀ କାର୍ଯ୍ୟକଳାପରେ ସମ୍ପୃକ୍ତ ଥିବାରୁ ଏହାକୁ ନିଷେଧ କରାଯାଇଥିବା ଜଣାପଡିଛି।
ଭାରତ-ଆମେରିକା ମଧ୍ୟରେ ଆଇନଗତ ସମ୍ପର୍କକୁ ନେଇ ଆୟୋଜିତ ଏକ ସମ୍ମିଳନୀରେ ଯୋଗଦେଇ ଜଷ୍ଟିସ ଚନ୍ଦ୍ରଚୂଡ଼ ଏପରି ମତ ରଖିଛନ୍ତି। ସେ କହିଛନ୍ତି, “ଆତଙ୍କବାଦ ବିରୋଧୀ ଆଇନ ସହ ଅନ୍ୟ ଅପରାଧିକ ଆଇନକୁ କେବେ ହେଲେ ଅପବ୍ୟବହାର କରି ଭିନ୍ନ ମତ ରଖୁଥିବା ଲୋକଙ୍କ ସ୍ୱରକୁ ଚାପି ଦେବା କିମ୍ବା ସାଧାରଣ ଲୋକଙ୍କୁ ନିର୍ଯାତନା ଦେବା ଠିକ୍ ନୁହେଁ।
ନାଗରିକଙ୍କୁ ସେମାନଙ୍କ ସ୍ୱାଧୀନତାରୁ ବଞ୍ଚିତ କରିବା ପାଇଁ ହେଉଥିବା ଉଦ୍ୟମରୁ ସୁରକ୍ଷା ଦେବା ପାଇଁ ଆମ ଅଦାଲତଗୁଡ଼ିକ ପ୍ରଥମ ଧାଡ଼ି ରକ୍ଷାକବଚ ଭାବେ ଛିଡ଼ା ହେବା ଉଚିତ। ଏକଥା ମୁଁ ଅର୍ଣ୍ଣବ ଗୋସ୍ୱାମୀ ବନାମ ରାଜ୍ୟ ସରକାରଙ୍କ ମଧ୍ୟରେ ଚାଲିଥିବା ମାମଲାର ରାୟ ଦେବା ବେଳେ ମଧ୍ୟ କହିଥିଲି।
ଗୋଟିଏ ଦିନ ପାଇଁ ବି ସ୍ୱାଧୀନତା ହରାଇବା ବହୁତ ବଡ଼ କଥା। ଆମର ନିଷ୍ପତ୍ତିରେ ଆମେ ସର୍ବଦା ଗଭୀର ବ୍ୟବସ୍ଥିତ ବିଷୟଗୁଡ଼ିକ ପ୍ରତି ଧ୍ୟାନ ଦେବା ଆବଶ୍ୟକ। ଭାରତ ଓ ଆମେରିକା ଦୁନିଆର ଭିନ୍ନ ଭିନ୍ନ କୋଣରେ ଅଛନ୍ତି। ତଥାପି ଦୁଇ ଦେଶ ଗୋଟିଏ ଗଭୀର ସାମାଜିକ, ସାଂସ୍କୃତିକ ଓ ଅର୍ଥନୀତିକ ସମ୍ପର୍କ ସ୍ଥାପନ କରିପାରିଛନ୍ତି।
ଭାରତର ସର୍ବୋଚ୍ଚ ଅଦାଲତ ଓ ଆମେରିକାର ସର୍ବୋଚ୍ଚ ଅଦାଲତକୁ ସବୁଠାରୁ ଶକ୍ତିଶାଳୀ ଅଦାଲତ ବୋଲି କୁହାଯାଏ। ସମଲିଙ୍ଗୀ ସମ୍ପର୍କକୁ ଅପରାଧ ମୁକ୍ତ କରିବା ପାଇଁ ଭାରତର ସର୍ବୋଚ୍ଚ ଅଦାଲତ ଦେଇଥିବା ରାୟ ଲରେନ୍ସ ବନାମ ଟେକସାସ ପ୍ରସଙ୍ଗରେ ଆମେରିକା କୋର୍ଟ ଦେଇଥିବା ରାୟକୁ ଆଧାର କରି ଦିଆଯାଇଥିଲା।
ସ୍ୱାଧୀନତା, ବାକ ସ୍ୱାଧୀନତା ତଥା ଧାର୍ମିକ ଶାନ୍ତି ପ୍ରତିଷ୍ଠା କ୍ଷେତ୍ରରେ ଆମେରିକା ଆଗରେ ରହିଛି। ଭାରତ ସର୍ବ ପୁରାତନ ତଥା ସବୁଠାରୁ ବଡ଼ ଗଣତନ୍ତ୍ର ଭାବରେ ବହୁ ସଂସ୍କୃତି ଓ ବହୁମୁଖୀ ସମାଜର ଆଦର୍ଶକୁ ପ୍ରତିପାଦନ କରୁଛି। ଭାରତୀୟ ସମ୍ବିଧାନ ମଧ୍ୟ ଲୋକଙ୍କ ଅଧିକାର ପ୍ରତି ଏକ ଗଭୀର ପ୍ରତିବଦ୍ଧତା ଓ ସମ୍ମାନ ଉପରେ ଧ୍ୟାନ ଦେଇଥାଏ।
ଭାରତୀୟ ନ୍ୟାୟପାଳିକା ଉପରେ ଆମେରିକାର ପ୍ରଭାବକୁ କମ୍ କରାଯାଇପାରିବ ନାହିଁ। ଏହା ଭାରତୀୟ ସମ୍ବିଧାନର ହୃଦୟ ଓ ପ୍ରାଣରେ ରହିଛି। ଆମେରିକାର ପ୍ରଭାବର ଉଦାହରଣ ହେଉଛି ଭାରତର ସମ୍ବିଧାନର ଧାରା ୨୧। ଏଥିରେ ବ୍ୟକ୍ତିଗତ ସ୍ୱାଧୀନତାକୁ ସୁରକ୍ଷାର ଦେବାର ବ୍ୟବସ୍ଥା କରାଯାଇଛି।
ଏହା ବିଲ୍ ଅଫ ରାଇଟ୍ସକୁ ଆଧାର କରି ପ୍ରସ୍ତୁତ କରାଯାଇଛି। ଏଥିରେ କୌଣସି ବ୍ୟକ୍ତି ଆଇନର ଉପଯୁକ୍ତ ଟ୍ରାଏଲ ବିନା ଜୀବନ, ସ୍ୱାଧୀନତା କିମ୍ବା ସମ୍ପତ୍ତିରୁ ବଞ୍ଚିତ ହୋଇପାରିବେ ନାହିଁ ବୋଲି କୁହାଯାଇଛି ବୋଲି ଜଷ୍ଟିସ ଚନ୍ଦ୍ରଚୂଡ଼ କହିଛନ୍ତି।
ଭାରତରେ ଅନେକ ଲୋକଙ୍କ ଉପରେ ୟୁଏପିଏ ଲଗା ଯାଉଥିବା ବେଳେ ପରବର୍ତ୍ତୀ ଅବସ୍ଥାରେ ସେମାନେ ଦୋଷମୁକ୍ତ ହୋଇ ଜେଲରୁ ବାହାରୁଛନ୍ତି। ଦୋଷମୁକ୍ତ ହେବା ପୂର୍ବରୁ ସେମାନଙ୍କୁ ଦୀର୍ଘ ବର୍ଷ ଧରି ଜେଲ୍ରେ ରହିବାକୁ ପଡ଼ୁଛି। ଏସବୁ ଭିତରେ ଜଷ୍ଟିସ ଚନ୍ଦ୍ରଚୂଡ଼ ଏପରି ବୟାନ ଦେଇଛନ୍ତି।