ଭୂ-କମ୍ପରେ ଥରିଲା ଅଧା ଓଡ଼ିଶା

earthquekeଭୁବନେଶ୍ୱର: ଆଜି ଅପରାହ୍ନ ୪ଟା ୦୭ରେ ଓଡ଼ିଶାର ବହୁ ସ୍ଥାନରେ ଭୂ-କମ୍ପ ଅନୁଭୂତ ହୋଇଛି। ରାଜ୍ୟର ଭୁବନେଶ୍ୱର, କଟକ, ବାଲେଶ୍ୱର, ଯାଜପୁର, ଭଦ୍ରକ, କେନ୍ଦୁଝରର ଆନନ୍ଦପୁର, ମୟୂରଭଞ୍ଜ, ଗୁଣପୁର, କୋଣାର୍କ, ନୟାଗଡ଼, ପାରାଦୀପ ଓ ରାଉରକେଲାରେ ଭୂ-କମ୍ପ ଅନୁଭୂତ ହୋଇଛି।

ତେବେ ଖବର ଲେଖାଯିବା ସୁଦ୍ଧା କୌଣସି ସ୍ଥାନରୁ କ୍ଷୟକ୍ଷତିର ସୂଚନା ମିଳିନାହିଁ।

ଭୂକମ୍ପ ଝଟକା ପରେ ଲୋକେ ଭୟରେ ବାହାରକୁ ପଳାଇ ଆସିଥିଲେ। ବାଲେଶ୍ୱରରେ ମହିଳାମାନେ ପାରମ୍ପରିକ ଭାବେ ଶଙ୍ଖ ବଜାଇ ଓ ହୁଳୁହୁଳୁ ପକାଇ ଭୂକମ୍ପର ସତର୍କ ସୂଚନା ଦେଉଥିବା ଦେଖିବାକୁ ମିଳିଥିଲା।

କେନ୍ଦ୍ରୀୟ ମିଆଁମାରରେ ଭୂ-କମ୍ପର କେନ୍ଦ୍ର ସ୍ଥଳ ରହିଛି। ରିକ୍ଟର ସ୍କେଲରେ ଏହାର ତୀବ୍ରତା ୬.୮ ଥିଲା।

କେବଳ ଓଡ଼ିଶା ନୁହେଁ ଭୂକମ୍ପର ପ୍ରଭାବ ପଶ୍ଚିମବଙ୍ଗ, ଆସାମ ଓ ବିହାରରେ ମଧ୍ୟ ଅନୁଭୂତ ହୋଇଛି।