ଭୁବନେଶ୍ୱର: ଆଜି ପବିତ୍ର ଇଦ୍-ଉଲ୍-ଜୁହା। ମୁସଲମାନ୍ ଭାଇଭଉଣୀମାନଙ୍କ ଦ୍ୱାରା ବଡ଼ ଧୁମଧାମରେ ପାଳନ ହୋଉଛି ଏହି ପର୍ବ। ସନ୍ଥ ହଜରତ୍ ଇବ୍ରାହିମ୍ ତାଙ୍କର ଅତିପ୍ରିୟ ଜିନିଷ ବଳି ଦେବା ଦିନକୁ ମନେ ପକାଇ ଏହି ପର୍ବ ପାଳନ କରାଯାଉଛି। ଆଜିର ଦିନରେ ପରସ୍ପରକୁ ଶୁଭେଚ୍ଛା ଜଣାଇବା ଏବଂ ଏକତ୍ର ସୁସ୍ୱାଦୁ ଭୋଜନ କରିବାର ପରମ୍ପରା ମଧ୍ୟ ରହିଛି।
କଟକ ସହରର ଛୋଟ ବଡ଼ ପ୍ରାୟ ୪୦ରୁ ଅଧିକ ମସଜିଦ୍ ଓ ପ୍ରାର୍ଥନା ସ୍ଥଳରେ ସକାଳୁ ଶ୍ରଦ୍ଧାଳୁମାନେ ନମାଜ ପାଠ କରିଛନ୍ତି। ସହରର ଛୋଟି ମସଜିଦ୍, କଦମ ରସୁଲ, ପଲଟନ୍ ମସଜିଦ୍ଇ ଓ ଇଦଗାରେ ସମୂହ ନମାଜ ପାଠର ଆୟୋଜନ କରାଯାଇଥିଲା।
କେନ୍ଦ୍ରାପଡ଼ା ସହରର ପୁରୁଣା ଇଦ୍ଘା ପଡ଼ିଆରେ ଧୁମଧାମରେ ଇଦ୍-ଉଲ୍-ଜୁହା ପାଳନ କରାଯାଇଛି। ବିଭିନ୍ନ ମସଜିଦ୍ରେ ପ୍ରାର୍ଥନା କରାଯାଇଛି।
ଭଦ୍ରକ ସହରର ଇଦ୍ ପାଳନ କରାଯାଇଛି। ଭଦ୍ରକ କୁଆଁସ ସ୍ଥିତ ଇଦ୍ଘା ମଇଦାନରେ ୫ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁମାନେ ଏକାଠି ପ୍ରାର୍ଥନା କରିବା ସହ ପରସ୍ପରକୁ ଶୁଭେଚ୍ଛା ଜଣାଇଥିଲେ। ସହରର ୪୫ଟି ସ୍ଥାନରେ ଇଦ୍ ପାଳନ କରାଯାଇଛି।
ବ୍ରହ୍ମପୁରରେ ମଧ୍ୟ ଧୁମଧାମରେ ଇଦ୍ ପାଳନ କରାଯାଇଛି।
ବଲାଙ୍ଗିର ସୁନ୍ନି ସଦର ମସଜିଦ୍ରେ ପବିତ୍ର ଇଦ୍-ଉଲ୍-ଜୁହା ପାଳିତ ହୋଇଯାଇଛି। ବହୁ ସଂଖ୍ୟାରେ ମୁସଲିମ୍ ଭାଇମାନେ ଏଠାରେ ସାମୂହିକ ନମାଜ ପାଠ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Comments
Add comment
No comments yet.