ଭୁବନେଶ୍ୱର: ଆଜି ଅପରାହ୍ନ ୫ଟା ୪୫ ମିନିଟ୍ରେ ରାଜ୍ୟ କ୍ୟାବିନେଟ୍ର ଗୁରୁତ୍ୱପୂର୍ଣ୍ଣ ବୈଠକ ବସିବ। ଉଚ୍ଚଶିକ୍ଷା, ବାଣିଜ୍ୟ ଓ ପରିବହନ, ଆଇନ, ଅବକାରୀ, ଅନୁସୂଚିତ ଜାତି ଓ ଜନଜାତି ଉନ୍ନୟନ ଏବଂ ରାଜସ୍ୱ ଓ ବିପର୍ଯ୍ୟୟ ପରିଚାଳନା ଆଦି ୬ଟି ବିଭାଗର ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସ୍ତାବ ଉପରେ ମୋହର ଲାଗିପାରେ। ଏହା ମଧ୍ୟରେ ଗୁରୁତ୍ୱପୂର୍ଣ୍ଣ ଅଛି ଓଡ଼ିଶା ଅବକାରୀ ଆଇନ ୨୦୦୮ରେ ସଂଶୋଧନ ପ୍ରସ୍ତାବ।
ଅନ୍ୟ ପ୍ରସ୍ତାବଗୁଡ଼ିକ ମଧ୍ୟରେ ଓଡ଼ିଶା ବେସରକାରୀ ସଂସ୍କୃତ କଲେଜର ଗ୍ରାଣ୍ଟ୍-ଇନ୍-ଏଡ୍ ବୃଦ୍ଧି, ଅନୁସୂଚିତ ଜାତି ଓ ଜନଜାତି ଅଧୀନରେ ଥିବା ଶିକ୍ଷକଙ୍କ ଚାକିରି ନିୟମାବଳୀରେ ସଂଶୋଧନ, ଓଡ଼ିଶା ସୁପରିୟର ଜୁଡିସିଆଲ ସର୍ଭିସ୍ ରୁଲ୍ରେ ସଂଶୋଧନ ସହିତ ଓଡ଼ିଶା ରାଜସ୍ୱ ସେବା ଗ୍ରୁପ୍ ବି’ ରୁଲ୍ ଅନୁମୋଦନ ଉପରେ ମଧ୍ୟ ମୋହର ଲାଗିପାରେ ଆଜିର ବୈଠକରେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।