କଟକ: କମେଣ୍ଟମରାକୁ ନେଇ କଟକର ସର୍ବୋଦୟପୁର ଓ ସୁଇପର କଲୋନୀ ମଧ୍ୟରେ ଗଣ୍ଡଗୋଳ ଘଟଣାରେ ଆଉ ୨୫ ଜଣଙ୍କୁ ଗିରଫ କରିଛି ବାଦାମବାଡ଼ି ପୋଲିସ୍। ସେମାନଙ୍କ ମଧ୍ୟରେ ୧୩ ଜଣ ମହିଳା ଅଛନ୍ତି।
ଗତକାଲି କମେଣ୍ଟମରାକୁ କେନ୍ଦ୍ର କରି ସର୍ବୋଦୟପୁର ଓ ସୁଇପର କଲୋନୀ ମଧ୍ୟରେ ଗଣ୍ଡଗୋଳ ହେବା ପରେ ରାଜାବଗିଚା-ଖାନନଗର ମୁଖ୍ୟ ରାସ୍ତାରେ ଉଭୟପକ୍ଷରୁ କାଚବୋତଲ ଓ ପଥର ମାଡ଼ ହୋଇଥିଲା। ଗଣ୍ଡଗୋଳରେ ୨ ଜଣ ଲୋକଙ୍କ ସହ ବାଦାମବାଡି ଓ ପୁରୀଘାଟ ଥାନା ଆଇଆଇସି ମଧ୍ୟ ଆହତ ହୋଇଥିଲେ। ଏହି ଘଟଣାରେ ଗତକାଲି ପୋଲିସ ଉଭୟ ସାହିର ୨୭ ଜଣଙ୍କୁ ଗିରଫ କରିଥିଲା। ଆଜି ଆଉ ୨୫ଜଣଙ୍କୁ ଗିରଫ କରିଛି। ଫଳରେ ଗିରଫଙ୍କ ସଂଖ୍ୟା ୫୨ରେ ପହଞ୍ଚିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।