ବାଲେଶ୍ୱର: ବାଲେଶ୍ୱର ଜିଲ୍ଲା ମାଣିପୁରଖୁଣ୍ଟା ଗୁଲୁଣିଆ ଗାଁରେ ଗୁଣିଗାରେଡ଼ି ସନ୍ଦେହରେ ମଧୁସୂଦନ ନାୟକ ନାମକ ଜଣେ ବାବା ଓ ତାଙ୍କ ସହଯୋଗୀଙ୍କୁ ନିସ୍ତୁକ ମାଡ଼ ମାରିଛନ୍ତି ଗ୍ରାମବାସୀ। ପୋଲିସ୍ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଗ୍ରାମବାସୀଙ୍କୁ ବୁଝାସୁଝା କରିଥିଲା। ପରେ ପୋଲିସ୍ ବାବା ଓ ତାଙ୍କ ସହଯୋଗୀଙ୍କୁ ଉଦ୍ଧାର କରିଥିଲା।
ସୂଚନା ଅନୁସାରେ, ଗୁଲୁଣିଆ ଗାଁର ସୁଶୀଳା ଖିଲାରଙ୍କ ବୋହୂ ଅମ୍ଭିକାଙ୍କୁ ଦୀର୍ଘଦିନ ହେଲା ଜର ହେଉଥିଲେ। ଜର ଭଲ ନ ହେବାରୁ ଅମ୍ଭିକାଙ୍କୁ ମୟୂରଭଞ୍ଜର ମଧୁସୂଦନ ନାୟକ ନାମକ ଏହି ବାବାଙ୍କ ନିକଟରେ ଦେଖାଯାଇଥିଲା। ବାବାଙ୍କୁ ଦେଖାଇବା ପରେ ତାଙ୍କ ଜର ଭଲ ହୋଇଯାଇଥିଲା। କିନ୍ତୁ ପରେ ତାଙ୍କ ଶାଶୂ ସୁଶୀଳାଙ୍କ ମୃତ୍ୟୁ ଘଟିଥିଲା।
ଆଜି ସକାଳେ ବାବା ଓ ତାଙ୍କ ସହଯୋଗୀ ଗାଁଦେଇ ଯାଉଥିବା ବେଳେ ଉତ୍ତ୍ୟକ୍ତ ଗ୍ରାମବାସୀ ଉଭୟଙ୍କୁ ନିସ୍ତୁକ ମାଡ଼ ମାରିଥିଲେ। ବାବା ଗୁଣିଗାରେଡ଼ି କରିବା ଯୋଗୁଁ ସୁଶୀଳାଙ୍କ ମୃତ୍ୟୁ ହୋଇଛି ବୋଲି ଗ୍ରାମବାସୀ ଅଭିଯୋଗ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
