ବ୍ରହ୍ମପୁରରେ ଆଇଜର ପ୍ରତିଷ୍ଠା ଓ କାର୍ଯ୍ୟକ୍ଷମକୁ କ୍ୟାବିନେଟ୍‌ ମଞ୍ଜୁରୀ

ନୂଆଦିଲ୍ଲୀ: ବ୍ରହ୍ମପୁରରେ ଆଇଜର ପ୍ରତିଷ୍ଠା ଓ କାର୍ଯ୍ୟକ୍ଷମ ପ୍ରସ୍ତାବକୁ କେନ୍ଦ୍ର କ୍ୟାବିନେଟ୍‌ ମଞ୍ଜୁରୀ ମିଳିଛି। ଏଥିସହ ଶିକ୍ଷା ପ୍ରତିଷ୍ଠାନର ସୋସାଇଟ୍‌ ରେଜିଷ୍ଟ୍ରେସନ୍‌ ଆକ୍ଟ-୧୮୬୦କୁ କେନ୍ଦ୍ର କ୍ୟାବିନେଟ୍‌ ମଧ୍ୟ ମଞ୍ଜୁରୀ ଦେଇଛନ୍ତି।

୨୦୧୬-୧୭ ଶିକ୍ଷା ବର୍ଷ ପାଇଁ ଆଇଜର ପ୍ରତିଷ୍ଠାନ ଓ ଏହାର କାର୍ଯ୍ୟଧାରା ଅସ୍ଥାୟୀ କ୍ୟାମ୍ପସରେ ଚାଲିବ। ୨୦୧୬-୧୯ ପର୍ଯ୍ୟନ୍ତ ୩ ବର୍ଷ ଲାଗି ଖର୍ଚ୍ଚ ହେବ ୧୫୨ କୋଟି ୭୯ ଲକ୍ଷ ଟଙ୍କା। ଏଥିସହ ରାଜ୍ୟ ସରକାରଙ୍କ ନିକଟରୁ ମାଗଣାରେ ଜମି ଅଧିଗ୍ରହଣ କରାଯିବ। ସେହିପରି ଶିକ୍ଷାନୁଷ୍ଠାନର ନିର୍ଦ୍ଦେଶକଙ୍କୁ ୮୦,୦୦୦ ଟଙ୍କା ଦରମା ମିଳିବାକୁ ମଧ୍ୟ କେନ୍ଦ୍ର କ୍ୟାବିନେଟ୍‌ ମଞ୍ଜୁରୀ ଦେଇଛନ୍ତି।