ବଲାଙ୍ଗିର: ପୋଲିସ ଇନଫର୍ମର ସନ୍ଦେହରେ ନାଏବ ସରପଞ୍ଚଙ୍କୁ ହତ୍ୟା କଲେ ମାଓବାଦୀ

ବଲାଙ୍ଗିର: ପୋଲିସ ଇନଫର୍ମର୍ ସନ୍ଦେହରେ ବଲାଙ୍ଗିର ଜିଲ୍ଲା ବାଗଦୋର ପଞ୍ଚାୟତ ନାଏବ ସରପଞ୍ଚ ଅଲେଖ ମାଝିଙ୍କୁ ମାଓବାଦୀମାନ ଗୁଳି କରି ହତ୍ୟା କରିଛନ୍ତି। ଗତକାଲି ରାତି ପ୍ରାୟ ୧୦ଟାରେ କିଛି ସଶସ୍ତ୍ର ମାଓବାଦୀ ଗାଁକୁ ଆସି ପ୍ରଥମେ ଅଲେଖକୁ ମାଡ଼ ମାରିଥିଲେ। ପରେ ସେମାନେ ୨ ରାଉଣ୍ଡ ଗୁଳିକରି ତାଙ୍କୁ ହତ୍ୟା କରିଥିଲେ। ପୋଲିସ ପକ୍ଷରୁ ଏ ନେଇ କିଛି ସ୍ପଷ୍ଟ ସୂଚନା ଦିଆଯାଇନାହିଁ। ସେହିପରି ଘଟଣା ସମ୍ପର୍କର ଅଲେଖଙ୍କ ପରିବାରବର୍ଗଙ୍କ କୌଣସି ପ୍ରତିକ୍ରିୟା ମିଳିପାରି ନାହିଁ।