ବୌଦ୍ଧ: ଆଇନଜୀବୀ ହେମନ୍ତ ସାହୁ ହତ୍ୟା ମାମଲାରେ ପୋଲିସ ୩ଜଣ ଅଭିଯୁକ୍ତଙ୍କୁ ଗିରଫ କରିଛି। ଗିରଫ ଅଭିଯୁକ୍ତଙ୍କ ମଧ୍ୟରୁ ଦୁଇଜଣ ହେଲେ ଦୁର୍ଯ୍ୟୋଧନ ସାହୁ ଓ ତାଙ୍କ ମାଆ କୁନ୍ତୀ ସାହୁ। କନ୍ଧମାଳର ରାଇକିଆରୁ ୨ ଅଭିଯୁକ୍ତଙ୍କୁ ପୋଲିସର ଏକ ସ୍ୱତନ୍ତ୍ର ଟିମ୍ ଗିରଫ କରିଛି । ଗିରଫ ଅନ୍ୟ ଅଭିଯୁକ୍ତ ଜଣଙ୍କ ମହିଳା ବୋଲି ଜଣାପଡିଛି। ବାଉଁଶୁଣୀ ଥାନା ବହିରା ଗାଁରେ ଗତ ୧୦ ତାରିଖରେ ମର୍ଣ୍ଣଂ ୱାକରେ ଯାଇଥିବା ବେଳେ ଆଇନଜୀବୀ ହେମନ୍ତଙ୍କୁ ହତ୍ୟା କରାଯାଇଥିଲା । ପୂର୍ବ ଶତ୍ରୁତାକୁ ନେଇ ଏଭଳି ହତ୍ୟାକାଣ୍ଡ ଘଟିଥିବା ଅନୁମାନ କରାଯାଉଛି। ମୃତ ଆଇନଜୀବୀ ହେମନ୍ତ ସାହୁ ବିଜେପିର ପୂର୍ବତନ ବ୍ଲକ ସଭାପତି ମଧ୍ୟ ଥିଲେ।
ଆଇନଜୀବୀ ହେମନ୍ତଙ୍କ ହତ୍ୟା ଘଟଣା ପ୍ରତିବାଦରେ ଆଜିଠୁ ଓକିଲମାନେ ରାଜ୍ୟବ୍ୟାପୀ କାର୍ଯ୍ୟବନ୍ଦ ଆନ୍ଦୋଳନ ଡାକରା ଦେଇଛନ୍ତି। ଏ ନେଇ ଗତକାଲି ହାଇକୋର୍ଟ ବାର ଆସୋସିଏସନରେ ନିଷ୍ପତ୍ତି ହୋଇଥିଲା। ଏପରି କି ଗତକାଲି ଅପରାହ୍ନରୁ ହାଇକୋର୍ଟ ବାର ଆସୋସିଏସନ କୋର୍ଟ ବର୍ଜନ କରିଥିଲା। ଆନ୍ଦୋଳନକୁ ଭୁବନେଶ୍ୱର ବାର ଆସୋସିଏସନ ମଧ୍ୟ ସମର୍ଥନ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
