ଆସ୍କା: ଗଞ୍ଜାମ ଜିଲ୍ଲା ଧରାକୋଟ ବ୍ଲକ୍ ଜାନିବିଲି ନିକଟରେ ଆଜି ଏକ ବସ୍ ଭାରସାମ୍ୟ ହରାଇ ଓଲଟି ପଡ଼ିବାରୁ ୩ ଜଣ ଯାତ୍ରୀ ପ୍ରାଣ ହରାଇଥିବା ବେଳେ ୩୦ରୁ ଅଧିକ ଆହତ ହୋଇଛନ୍ତି। ମୃତକମାନେ ହେଲେ ରାଜେନ୍ଦ୍ର ନାୟକ, ରାମ ନାୟକ ଓ ଗୋପାଳ ଗୌଡ଼। ରାଜେନ୍ଦ୍ରଙ୍କ ଘର ରୁଗୁମା ଗାଁରେ ହୋଇଥିବା ବେଳେ ରାମଙ୍କ ଘର ଓଲମ୍ବାରେ ଏବଂ ଗୋପାଳ ଜାନିବିଲିର ବାସିନ୍ଦା। ଆହତମାନଙ୍କୁ ଧରାକୋଟ, ଆସିକା ଓ ବ୍ରହ୍ମପୁରରେ ଭର୍ତ୍ତି କରାଯାଇଛି।
ସତ୍ୟସାଇ ନାମକ ଏହି ବସ୍ଟି ବ୍ରହ୍ମପୁରରୁ ସୋରଡ଼ା ଅଭିମୁଖେ ଯାଉଥିବା ବେଳେ ଭାରସାମ୍ୟ ହରାଇ ଓଲଟି ପଡ଼ିଥିଲା। ବସ୍ଟିରେ ପ୍ରାୟ ୫୦ ଜଣ ଲୋକ ବସିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।