[caption id="attachment_73004" align="alignleft" width="150"] ସଂଜୟ ବେହେରା (ବାମରୁ ପ୍ରଥମ) ଓ ସୁଶୀଲ ଧଳସାମନ୍ତ (ମଝି)[/caption]
କଟକ: ଡି’ବ୍ରଦର୍ସ ଲିଙ୍କ୍ ମାମଲାରେ କମିଶନରେଟ୍ ପୋଲିସ୍ ଓଡ଼ିଶା କ୍ରିକେଟ୍ ଆସୋସିଏସନ୍ ସଂପାଦକ ଆଶୀର୍ବାଦ ବେହେରାଙ୍କ ପୁଅ ତଥା ଓଡ଼ିଶା ଫୁଟବଲ୍ ଆସୋସିଏସନ୍ ସଂପାଦକ ସଂଜୟ ବେହେରାଙ୍କୁ ନୋଟିସ୍ ଜାରି କରିଛି। ୭ ଦିନ ମଧ୍ୟରେ ଥାନାରେ ହାଜର ହେବାକୁ ତାଙ୍କୁ ନୋଟିସ୍ ଜାରି କରାଯାଇଛି ବୋଲି କଟକ ଡିସିପି ସଂଜୀବ ଆରୋରା କହିଛନ୍ତି। ସେ କହିଛନ୍ତି ଯେ ସଂଜୟ ଓ ସୁଶୀଲ ଧଳସାମନ୍ତଙ୍କ ମଧ୍ୟରେ ବନ୍ଧୁତା ଥିବା କଥା ତଦନ୍ତରୁ ଜଣାପଡ଼ିଛି। ୨୦୧୦ ମସିହାରେ ଏ ଦୁହେଁ ଏକାଠି ବ୍ୟବସାୟ କରୁଥିଲେ। ତେବେ ଏ ଦୁହେଁ କେଉଁ ବ୍ୟବସାୟ କରୁଥିଲେ ଡିସିପି ସେ ନେଇ କିଛି ସୂଚନା ଦେଇ ନାହାନ୍ତି।
ସଂଜୟଙ୍କ ବ୍ୟତୀତ କଟକ ମହାନଗର ନିଗମର କର୍ପୋରେଟର ଚିରଞ୍ଜୟ ସାହୁ, ରଞ୍ଜିତା ବିଶ୍ୱାଳ ଓ ଯୁବକ ସଂଘ ସଭାପତି ସମ୍ବିତ ବେହେରାଙ୍କୁ ମଧ୍ୟ ଥାନାରେ ହାଜର ହେବାକୁ କମିଶନରେଟ୍ ପୋଲିସ୍ ପକ୍ଷରୁ ନୋଟିସ୍ ଜାରି କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।